ໃນຕອ​ນ​ເຊົ້າຂອງວັນທິ 15 ມີ​​ຖຸ​ນາ 2018 ເວ​ລາ 8 ໂມງ 30 ນາ​ທີ​ ພະແນກໄປສະນີ, ໂທລະຄົມມະນາຄົມ ແລະ ການ ສື່ສານ (ພປທສ) ໄດ້ຈັດພີ​ທີ​ປະ​ຖະ​ກາ​ຖາ​ເຜີຍ​ແຜ່ ເອ​ກະ​ສານ​ສະ​ພາບ​ກ​ານ​ຊາຍ​ແດນລາວ - ກຳ​ປູ​ເຈຍ ຂື້ນ. ຢູ່ທີ່ຫ້ອງ​ຊຸມ​ ພະແນກໄປສະນີ, ໂທລະຄົມມະນາຄົມ ແລະ ການ ສື່ສານ  ​ໂດຍ​ການ​ເປັນ​ກຽດ​ເຂົ້າ​ຮ່ວມ​ຂອງ​ ​​ທ່ານໄທ​ຍະ​ພອນ ສິງ​ທອງ ​ເລ​ຂາ​ຄະ​ນະ​ພັກຮາກ​ຖານ, ຫົວ​ໜ້າ​ພະ​ແນກ ປ​ທ​ສ ແຂວງ. ມີບັນດາຜູ່ອໍານວຍ​ການຈາກ​ບັນ​ດາບ​ໍ​ລິ​ສັດ​ທີ່​ໃຫ້​ການ​ບໍ​ລິ​ການ​ທາງ​ດ້ານໄປ​ສະ​ນີ, ​ໂທ​ລະ​ຄົມ​ມະ​ນາ​ຄົມ, ​ຫົວ​ໜ້າ​ຂະ​ແໜງ, ຮອງ​ຂະ​ແໜງ​, ຕະຫອຼດຮອດພະນັກງານລັດ​ຖະ​ກອນພະແນກ​. ແລະ ພະນັກງານ​ຈາກບັນ​ດາບໍລິສັດ ​ລັດ​ວິ​ສາ​ຫະ​ກິດ​ອ້ອມ​ຂ້າງ​ພະ​ແນກ ​ປ​ທ​ສ ເຂົ້າຮ່ວມ​ຈຳ​ນວນ 41 ທ່ານ, ຍິງ 21 ທ່ານ

         ຫຼັງຈາກນັ້ນ, ທ່ານ ໄທ​ຍະ​ພອນ​ ສິງ​ທອງ ​ກໍ່​ໄດ້​ໃຫ້​ກຽດ​ ​ເຜີຍ​ແຜ່ ເອ​ກະ​ສານ​​ດັ່ງ​ກ່າວ ​ໃນ​ນັ້ນ​ທ່ານ​ກໍ່​ໄດ້​ຍົກ​ໃຫ້​ເຫັນ​ໃນ​ຫລາຍ​ດ້ານ​ເຊັ່ນ: ການ​ພົວ​ພັນ​ລະ​ຫວ່າງ​ລາວ ກັບ​ກຳ​ປູ​ເຈຍ, ສະ​ພາບ​ຊາຍ​ແດນ ແລະ ການ​ປັກ​ຫຼັກ​ຊາຍ​ແດນ, ເຫດ​ການ​ທີ່​ເກີດ​ຂື້ນ ແລະ ທິດ​ຊີ້ນ​ນຳ ແລະ ທິດ​ທາງ​ໃນ​ການ​ແກ້​ໄຂ​ບັນ​ຫາ​ເກີດ​ຂື້ນ ທັງ​ນີ້​ກໍ່​ເພື່ອ​ໂຄສະນາ​ສຶກສາ​ອົບຮົມ​ໃຫ້ສະມາຊິກ​ພັກ, ພະນັກງານ, ​ໃຫ້​ມີ​ຄວາມ​ຮັບ​ຮູ້, ​ເຂົ້າ​ໃຈ​ສະ​ພາບ​ການ ແລະ ສາ​ເຫດ​ທີ່​ເກີດ​ຂື້ນ​ທີ່​ພົວ​ພັນ​ເຖິງ​ຊາຍ​ແດນ​ລະ​ຫວ່າງ​ລາວ - ກຳ​ປູ​ເຈຍ​, ໄດ້​ຮັບ​ຮູ້​ເຂົ້າ​ໃຈ​ແຈ້ງ ແລະ ເປັນ​ເອກ​ະ​ພາບ​ສູງ​ກັບ​ທັດ​ສະ​ນະ​ຂອງ​ສູນ​ກາງ​ພັກ​ກ່ຽວ​ກັບ​ການ​ແກ້​ໄຂ​ບັນ​ຫາ​ ແລະ ເພື່ອ​ໂຄ​ສະ​ນາ​ປຸກ​ລະ​ດົ​ມ​ໃຫ້​ ພະ​ນັກ​ງານ​ພາຍ​ໃນ​ພະ​ແນກ ປ​ທ​ສ ແຂວງ ແລະ ບັນ​ດາບ​ໍ​ລິ​ສັດ​ທີ່​ໃຫ້​ການ​ບໍ​ລິ​ການ​ທາງ​ດ້ານ​ໄປ​ສະ​ນີ, ​ໂທ​ລະ​ຄົມ​ມະ​ນາ​ຄົມ ພາຍ​ໃນ​ແຂວງ​ຈົ່ງ​ມີ​ສະ​ຕິ​ໃນ​ການ​ພົວ​ພັນ​ກັບ​ປະ​ເທດ​ເພ​ື່ອນ​ບ້ານ​ໃກ້​ຄຽງ​ໃນ​ການ​ໄປ​ທ່ອງ​ທຽວ, ອອກ​ແຮງ​ງານ ກໍ່​ຄື​ການ​ທຳ​ມາ​ຄ້າ​ຂາຍ​ໃຫ້​ຖືກ​ຕ້ອງ​ຕາມ​ລະ​ບຽບ​ກົດ​ໝາຍ, ເພີ້ມ​ສະ​ຕິ​ລະ​ວັງ​ຕົວ​ຕໍ່​ການ​ໂຄ​ສະ​ນາ​ແບ່ງ​ແຍກ​ຄວາມ​ສາ​ມັກ​ຄີ, ເດັດ​ດ່ຽວປົກ​ປັກ​ຮັກ​ສາ​ເຂດ​ນ້ຳ​ດິນ​ແດນ​ຂອງ​ພວກ​ເຮົາ​ໄວ້​ໃຫ້​ໝັ້ນ​ຄົງ​ຕະ​ຫຼອດ​ໄປ

ພິທິໄດ້ດຳເນີນ​ໄປ​ເປັນ​ເວລາ​ເຄິ່ງວັນ ແລ້ວກໍ່ໄດ້ປິດລົງດ້ວຍບັນຍາກາດອັນຈົບງາມ.

ຂ່າວ​ໂດຍ: ເພັດ​ສະ​ໄໝ ສຸ​ວັນ​ນະ​ພົມ