ໃນ​ຕອນ​ເຊົ້າ​ຂອງວັນ​​ທີ 17-18 ພະ​ຈິກ 2016 ທີ່​ຜ່ານ​ມາ ພະ​ແນກ​ໄປ​ສະ​ນິ,ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ໄດ້​ຈັດ​ພິ​ທິ​ກອງ​ປະ​ຊຸມ​ເຜີຍ​ແຜ່​ກົດ​ໝາຍ​ວ່າ​ດ້ອຍ​ການ​ຕ້ານ ແລະ ສະ​ກັດ​ກັ້ນ​ອາດ​ຊະ​ຍາ​ກຳທາງ​ລະ​ບົບ​ຄອມ​ພິ​ວ​ເຕີ ແລະ ຝືກ​ອົບ​ຮົມ​ການ​ນຳ​ໃຊ້ IT ແລະ ICT ຂັ້ນ​ພື້ນ​ຖານ​ຂື້ນ​ຢູ່​ທີ່​ສະ​ໂມ​ສອນ​ຫ້ອງວ່າ​ການ​ປົກ​ຄອງ​ເມືອງ​ໜອງ​ບົກ

 

              ໂດຍ​ການ​ເປັນ​ປະ​ທານ​ຮ່ວມຂອງທ່ານ ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ,ຫົວ​ໜ້າ​ພະ​ແນກ​ໄປ​ສະ​ນີ,ໂທ​ລະ​ຄົມ​ມະ​ນ​າ​ຄົມ ແລະ ການ​ສື່​ສານ ແຂວງ​ ແລະ ທ່ານ ສົມ​ມະ​ລາ ອ່ອນ​ສິ​ລິ​ວົງ ຄະ​ນະ​ປະ​ຈຳ​ພັກ​ເມືອງ,ຮອງ​ເຈົ້າ​ເມືອງໆ​ໜອງ​ບົກ,ມີ​ບັນ​ດາ​ທ່ານ​ຫົວ​ໜ້າ​ຫ້ອງ​ການ,ຮອງ​ຫົວ​ໜ້າ​ຫ້ອງ​ການ,ຫົວ​ໜ້າ​ໜ່ວຍ​ງານ,ຮອງ​ຫົວ​ໜ້​າ​ໜ່ວຍ​ງານ,ນາຍ​ບ້ານ,ຮອງ​ນາຍ​ບ້ານ,ພະ​ນັກ​ງານ​ວິ​ຊາ​ການ​ອ້ອມ​ຂ້າງ​ເມືອງ​ໜອງ​ບົກ ຕະຫຼອດ​ຮອດ​ນັກ​ສຳ​ມະ​ນາ​ກອນ​ທຸກ​ທ່ານ ທີ່​ໄດ້​ເຂົ້າ​ຮ່ວມ​ພິ​ທີ​ໃນ​ຄັ້ງ​ນີ້​ມີ 68 ທ່ານ,ຍິງ 16 ທ່ານ.​​

     ກອງ​ປະ​ຊຸມ ໄດ້​ຮັບ​ຟັງ​ການ​ເຜີຍ​ແຜ່​ກົດ​ໝາຍ​ວ່າ​ດ້ວຍ​ການ​ໂທ​ລະ​ຄົມ​ມະ​ນາ​ຄົມ (ສະ​ບັບ​ປັບ​ປຸງ​ໃໝ່),ກົດ​ໝາຍ​ວ່າ​ດ້ວຍ​ການ​ຕ້ານ ແລະ ສະ​ກັດ​ກັ້ນ​ອາດ​ຊະ​ຍາ​ກຳ​ທາງ​ລະ​ບົບ​ຄອມ​ພິວ​ເຕີ ແລະ​ ນິ​ຕິ​ກຳ​ຕ່າງໆ​ທ​ີ່​ກ່ຽວ​ຂ້ອງ​ກັບ​ການ​ນຳ​ໃຊ້​ຄື້ນ​ຄວາມ​ຖີ່​ວິ​ທະ​ຍຸ ແລະ ວິ​ທະ​ຍຸ ສື່​ສານ(ໂຟ​ນີ) ແລະ ການ​ຝຶກ​ອົບ​ຮົມ​ວຽກ​ງານ​ການ​ນຳ​ໃຊ້ IT ແລະ ICT ຂັ້ນ​ພື້ນ​ຖານ​ເຊິ່ງ​ປະ​ກອບ​ດ້ວຍ​ຫົວ​ຂໍ້​ດັ່ງ​ນີ້:

   1)   ສິ່ງ​ທີ່​ຄວນ​ຮູ້​ກ່ຽວ​ກັບ​ການ​ນຳ​ໃຊ້​ສື່​ສັງ​ຄົມ​ອອນ​ລາຍ

   2)   ການ​ນຳ​ໃຊ້​ຄອມ​ພິວ​ເຕີ​ຂັ້ນ​ພື້ນ​ຖານ

   3)   ການ​ນຳ​ໃຊ້​ອິນ​ເຕີ​ເນັດ

  4)   ຄວາມ​ຮູ້​ພື້ນ​ຖານ​ການ​ນຳ​ໃຊ້​ອີ​ເມວ

 

     ການ​ເປີດກອງ​ປະ​ຊຸມ​ເຜີຍ​ແຜ່​ນິ​ຕິ​ກຳ​ກ່ຽວ​ກັບ​ວຽກ​ງານ​ໂທ​ລະ​ຄົມ​ມະ​ນາ​ຄົມ ແລະ ການ​ຝຶກ​ອົບ​ຮົມ​ການ​ນຳ​ໃຊ້ (IT & ICT)ຂັ້ນ​ພື້ນ​ຖານ​ໃນ​ຄັ້ງ​ນີ້,ກໍ່​ເພື່ອ​ໂຄ​ສະ​ນາ​ເຜີຍ​ແຜ່​ກ່ຽວ​ກັບ​ລະ​ບຽບ​ການ,ມາດ​ຕະ​ການ ໃນ​ການ​ເຄືອນ​ໄຫວ​ຈັດ​ຕັ້ງ​ປະ​ຕິ​ບັດ,ການ​ຄຸ້ມ​ຄອງ,ກວດ​ກາ ການ​ດຳ​ເນີນ​ທຸ​ລະ​ກິດ​ຂອງວຽກ​ງານ​ໂທ​ລະ​ຄົມ​ມະ​ນ​ຄົມ,ຊັບ​ພະ​ຍາ​ກອນ​ໂທ​ລະ​ຄົມ​ມະ​ນ​າ​ຄົມ,ມາດ​ຕະ​ຖານ​ດ້ານ​ເຕັກ​ນິກ,ການ​ໃຫ້​ບໍ​ລິ​ການ,ການ​ໃຊ້​ບໍ​ລິ​ການ​ວຽກ​ງານ​ໂທ​ລະ​ຄົມ​ມະ​ນາ​ຄົມ ໃຫ້​ແກ່​ສັງ​ຄົມ ໄດ້​ຮັບ​ຮູ້ ແລະ ມີ​ຄວາມ​ເຂົ້າ​ໃຈ​ຢ່າງ​ເລີກ​ເຊິ່ງ ກວ້າງ​ຂວາງ ແລະ ທົ່ວ​ເຖິງ​,ອີກ​ດ້ານ​ໜື່ງ ກໍ່​ເພືອ​ໂຄ​ສະ​ນາ​ເຜີຍ​ແຜ່​ກ່ຽວ​ກັບ​ການ​ນຳ​ໃຊ້​ເຕັກ​ໂນ​ໂລ​ຊີ​ຂໍ້​ມູນ​-ຂ່າວ​ສານ ໃຫ້​ສະ​ດວກ,ປອດ​ໄຟ,ຍຸ​ຕິ​ທຳ ໃນ​ການ​ນຳ​ໃຊ້,ທັງ​ເປັນ​ການ​ຊຸກຍູ້​ສົ່ງ​ເສີມ​ການ​ນຳ​ໃຊ້​ເຕັກ​ໂນ​ໂລ​ຊີ​ຂໍ້​ມູນ-ຂ່າວ​ສານ ເຂົ້າ​ໃນ​ຂົງ​ເຂດ​ວຽກ​ງານ,ທຸກ​ຂະ​ແໜງ​ການ ບໍ່​ວ່າ​ພາກ​ລັດ-ເອ​ກະ​ຊົນ ໃຫ້​ມີ​ການ​ນຳ​ໃຊ້​ເຂົ້າ​ໃນ​ໜ້າ​ທີ່​ວຽກ​ງານ​ຢ່າງກວ້າງ​ຂວາງ,ທັງ​ເປັນ​ການ​ພັດ​ທະ​ນາ​ຄວາມ​ຮູ້​ ຄວາມ​ສາ​ມາດ,ສ້​າງ​ຄວາມ​ຊຳ​ນິ​ຊຳ​ນານ​ໃນ​ການ​ນຳ​ໃຊ້​ເຕັກ​ໂນ​ໂລ​ຊີ​ຂໍ້​ມູນ-ຂ່າວ​ສານ ໃຫ້​ແກ່​ພະ​ນັກ​ງານ-​ລັດ​ຖະ​ກອນ ທີ່​ສັງ​ກັດ​ຢູ່​ຕາມ​ສຳ​ນັກ​ງານ​ຫ້ອງ​ການ,ບັນ​ດາ​ບ້ານ​ສາມ​ສ້າ​ງ​ອ້ອມ​ຂ້າງ​ເມືອງ​ໃຫ້​ມີ​ຜົນ​ປ​ະ​ໂຫຍດ​ສູງ.

 

  ກອງ​ປະ​ຊຸມ​ໄດ້​ນຳ​ເນີນ​ໄປ​ຕ່າມ​ກາງ​ບັນ​ຍາ​ກາດ​ທີ່​ອົບ​ອຸ່ນ,ເຕັມ​ໄປ​ດ້ວຍ​ຄວາມ​ສາ​ມັກ​ຄີ​ຮັກ​ແພງ ຄວາມ​ເປັນ​ເອ​ກະ​ພາບເຊິງ​ໄດ້​ສະ​ແດງ​ອອກ​ໃຫ້​ເຫັນ​ຄື:ຕະຫຼອດ​ເວ​ລາ​ຂອງການ​ຝຶກ​ອົບ​ຮົມ​ບັນ​ດາ​ທ່ານ​ບັກ​ດາ​ສະ​ຫາຍ​ໄດ້​ມີ​ຄວາມ​ສົນ​ໃຈ,ເອົາ​ໃຈ​ໃສ່​ໃນ​ການ​ຮັບ​ຟັງ,ການ​ຕິດ​ຕາມ​ການ​ນຳ​ສະ​ເໜີ​ບັນ​ດາ​ເອ​ກະ​ສານ​ຕ່າ​ງໆ ຂອງ​ນັກ​ວິ​ທະ​ຍາ​ກອນ ແລະ ການ​ຈັດ​ຕັ້ງ​ປະ​ຕິ​ບັດ​ເຮັດ​ທົດ​ລອງ​ຕົວ​ຈິງ ຕາມ​ຫົວ​ຂໍ້​ການ​ຝືກ​ອົບ​ຮົມ​ເປັນ​ຢ່າງ​ດີ,ເຮັດ​ໃຫ້​ການ​ຝືກ​ອົບ​ຮົມ​ໃນ​ຄັ້ງ​ນີ້ ບັນ​ລຸ​ຜົນ​ສຳ​ເລັດ​ໄດ້​ຕາມ ​ຈຸດ​ປະ​ສົງ,ທີ່​ຄາດ​ໝາຍ​ທີ່​ວ່າງ​ໄວ້.

 

      ກອງ​ປະ​ຊຸມ​ໄດ້​ດຳ​ເນີນ​ມາ​ຮອ​ດ​ເວ​ລາ 16 ໂມງ 30 ນາ​ທີ ຂອງວັນ​ທີ 18 ພະ​ຈິກ 2016 ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ​ທີ່​ເຕັມ​ໄປ​ດ້ວຍ​ເນື້ອ​ໃນ​ຄວາມ​ໝາຍ ຄວາມ​ສຳ​ຄັນ ແລະ​ໄດ້​ຮັບ​ຜົນ​ສຳ​ເລັດ​ຢ່າງ​ຈົບ​ງາມ.

 

 

 

ຂຽນ​ໂດຍ: ທ່ານ ຈັນ​ທະ​ກອນ ພິ​ລາ​ຈັນ