ໃນ​ຕອນ​ເຊົ້າ​ຂອງວັນທີ 04 ກໍ​ລະ​ກົດ 2017 ເວ​ລາ 8 ໂມງ 30 ນາ​ທີນີ້ຢູ່ທີ່​ຫ້ອງ​ປະ​ຊຸມບໍ​ລິ​ສັດ​ລັດ​ວິ​ສາ​ຫະ​ກິດ​ລາວ​ໂທ​ລະ​ຄົມ,ຮາກ​ຖານ​ພັກ​ພະ​ແນກ​ ປທສ ແຂວງ ໄດ້​ເປີດບັ້ນ​ດ​ຳ​ເນີນ​ຊີ​ວິດ​ການ​ເມືອງ​ປັບ​ປຸງ​ປົວ​ແປງ​ພາຍ​ໃນ​ພັກພາຍໃຕ້ການເປັນປະທານ ຂອງ ສະຫາຍ ​ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ​, ຫົວ​ໜ້​າ​ພະ​ແນກ ປທສ ແຂວງ, ເປັນ​ກຽດ​ເຂົ້າ​ຮ່ວມກອງ​ປະ​ຊຸມ​ຄັ້ງ​ນີ້​ມີ ສະ​ຫາຍ ພົມ​ມາ ພັນ​ທະ​ລັງ​ສີ ຮອງ​ເລ​ຂາ​ພັກ​ແຂວງ,ຫົວ​ໜ້າ​ຄະ​ນະ​ຈັດ​ຕັ້ງ​ແຂວງຄຳມ່ວນ ມີບັນດາສະຫາຍໃນຄະນະໜ່ວຍພັກ ແລະ ກອງເລຂາບັ້ນດຳເນີນຊີວິດການເມືອງ ຫ້ອງວ່າການແຂວງ, ຈັດຕັ້ງແຂວງ ຕະຫຼອດເຖິງສະມາຊິກພັກພາຍໃນ 03 ໜ່ວຍພັກໃນ​ຂົງ​ເຂດ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມດັ່ງກ່າວເຂົ້າຮ່ວມ.

        ​ນະໂອກາດນີ້ສະຫາຍ ໄ​ທ​ຍະ​ພອນ​ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ​ຫົວ​ໜ້​າ​ພະ​ແນກ ປ​ທ​ສ ແຂວງ.ກໍໄດ້ຂຶ້ນກ່າວເປີດບັ້ນດຳເນີນຊີວິດການເມືອງປັບປຸງປົວແປງພາຍໃນ​ຮາກ​ຖານພັກ ພ້ອມຜ່ານຮ່າງບົດສະຫຼຸບຕິລາຄາການຈັດຕັ້ງປະ ຕິບັດມະຕິກອງປະ ຊຸມໃຫຍ່ຄັ້ງທີ IX ຂອງອົງຄະນະພັກແຂວງ ແລະ ມະຕິກອງປະຊຸມໃຫຍ່ຄັ້ງທີ I ຂອງຄະ​ນະ​ພັກ​ຮາກ​ຖານໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ກ​ານ​ສື່​ສານໃນໄລຍະຜ່ານມາ. ​ປັດ​ຈຸ​ບັນ​ຂົງ​ເຂດ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມມີ 01 ຮາ​ກ​ຖານ​ພັກ,ມີ​ຄະ​ນະ​ພັກ​ຮາກ​ຖານ 05 ສະ​ຫາຍ, ມີ 03 ໜ່ວຍ​ພັກ​ຂື້ນ​ກັບ​ຄື: ໜ່ວຍ​ພັກ ປ​ທ​ສ ແຂວງ, ໜ່ວຍ​ພັກ ໄປ​ສະ​ນີ ແລະ ໜ່ວຍ​ພັກ​ລາວ​ໂທ​ລະ​ຄົມ​. ມີ​ຄະ​ນະ​ໜ່ວຍ 08 ສະ​ຫາຍ, ມີສະມາຊິກພັກທັງໜົດ 51 ສະຫາຍ, ໃນນັ້ນມີສະມາຊິກພັກ​ສົມ​ບູນ 44 ສະ​ຫາຍ,  ສະມາ ຊິກພັກສຳ​ຮອງ 07 ສະຫາຍ.

        ຫຼັງ​ຈາກນັ້ນ, ກໍ່​ໄດ້​ຈັດ​ແບ່ງ​ແຕ່​ລະ​ໜ່ວຍ​ພັກ ເພື່ອ​ປະ​ກອບ​ຄຳ​ເຫັນ​ຕຳ​ນິ​ສົ່ງ​ຂ່າວ​ບັນ​ດາ​ຈຸດ​ອ່ອນ, ຜ່ານ​ໃບ​ສຳ​ຫຼວດ ປະ​ກອບ​ຄຳ​ເຫັນ ຕ​ຳ​ນິ​ສົ່ງ​ຂ່າວ ກໍ່​ສ້າງ​ຊວ່ຍ​ເຫຼືອ​ຊື່ງ​ກັນ ແລະ ກັນ​ໃນ​ຄະ​ນະ​ພັກ ຈຳ​ນວນ 06 ສະ​ຫາຍ, ຕໍ່ມາ​ກໍ່​ໄດ້​ທາບ​ທາມ​ຄວາມ​ເຊື່ອ​ໜັ້ນ​ໃນ​ຄະ​ນະ​​ໜ່ວຍພັກ​ ແລະ ໃຫ້​ບັນ​ດາ​ສະ​ມາ​ຊິກ​ພັກ​ແຕ່​ລະ​ສະ​ຫາຍ ພາຍ​ໃນ  03 ໜ່ວຍ​ພັກ ຜ່ານ​ຜ່ານ​ໃບ​ສ​ຳ​ຫຼວດ​ຕຳ​ນິ​ສົ່ງ​ຂ່າວ​ຊື່ງ​ກັນ ແລະ ກັນ. ແລ້ວ​ໃຫ້​ແຕ່​ລະ​ໜ່ວຍ​ພັກ​ສັງ​ລວມ​ເພື່ອ​ສົ່ງ​ໃຫ້​ກອງ​ເລ​ຂາ​ແຕ່​ລະ​ໜ່ວຍ​ພັກ

ໃນ​ບັ້ນດຳເນີນຊີວິດການເມືອງນີ້ ກໍ່ເພື່ອເສີມຂະຫຍາຍມູນເຊື້ອຜົນງານທີດີຂອງ​ຮາກ​ຖານພັກເປັນການແກ້ໄຂ​ບາງ​ບັນ​ຫາຈຸດອ່ອນ ແລະ ​ໃຫ້​ຄະ​ນະ​ພັກ​ເອົາ​ໃຈ​ໃສ່​ຊຸກ​ຍູ້​ບັນ​ດາ​ບໍ​ລິ​ສັດ​ ວິ​ສາ​ຫະ​ກິດ ຜູ່​ໃຫ້​ບໍ​ລິ​ການ​ດ້ານ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ໃຫ້​ມີ​ການ​ຂະ​ຫຍາຍ​ປ່ອງ​ບໍ​ລິ​ການ​ພີ້ມ​ຂື້ນ ໂດຍ​ສະ​ເພາະ​ຢູ່​ຂົງ​ເຂດ​ທ້ອງ​ຖິ່ນ, ກຸ່ມ​ບ້ານ ແລະ ຈຸດ​ສຸມ​ທີ່​ຫ້າງ​ໄກ​ສອກ​ຫຼີກ ເຮັດ​ໃຫ້​ຕາ​ໜ່າງ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ​ເພີ່ມ​ຂື້ນ ຕາມ​ບາດ​ກ້າວ​ຂະ​ຫຍາຍ​ຕົວ​ຂອງ​ເສດ​ຖະ​ກິດ-ສັງ​ຄົມ ພາຍ​ໃນ​ແຂວງ​ເຊີ່ງ​ເປັນ​ບ່ອນ​ອີງ​ໃຫ້​ຮາກ​ຖານ​ພັກ​ເຮົາ​ບຸກ​ບືນ ເຂົ້າ​ໃຈ​ໃນ​ການ​ປະ​ຕິ​ບັດ​ຄາດ​ໝາຍ​ສູ້​ຊົ​ນ​ທີ່​ກຳ​ນົດ​ໄວ້​ໃນ​ມະ​ຕີ​ກອງ​ປະ​ຊຸມ​ໃຫ່​ຍ​ຄັ້ງ​ທີ່ I ໃຫ້​ບັນ​ລຸ​ຜົນ​ສຳ​ເລັດ​ໃນ​ແຕ່​ລະ​ດ້ານ.

    ໃນໂອກາດທ້າຍນິ້ ສະ​ຫາຍ ພົມ​ມາ ພັນ​ທະ​ລັງສີ ຮອງ​ເລ​ຂາ​ພັກ​ແຂວງ ທັງເປັນປະທານ​ຮ່ວມໃນບັ້ນດຳເນີນຊີວິດການເມືອງຂອງ​ຮາກ​ຖານ​ພັກພະ​ແນກ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານໄດ້ມີຄຳເຫັນໂອ້​ລົມຊີ້ນຳໂດຍສະຫາຍໄດ້ຍົກໃຫ້ເຫັນເຖິງເນື້ອໃນຄວາມໜາຍຄວາມສຳຄັນ ທີ່ຈຳເປັນຕາມບັ້ນດຳເນີນຊີວິດການເມືອງປັບປຸງປົວແປງພາຍໃນ​ຮາກ​ຖານພັກພ້ອມນີ້ ກໍ່ໄດ້ຮຽກຮ້ອງແກ່ບັນດາສະຫາຍພາຍໃນ 03 ໜ່ວຍພັກຕ້ອງໄດ້ພ້ອມກັນເອົາໃຈໃສ່ຮັບຜິດຊອບສູງເປັນຕົ້ນແມ່ນການປະກອບຄຳຄິດຄຳເຫັນຊ່ວຍເຫຼືອເຊິງກັນ ແລະ ກັນ, ຕຳນິກໍ່ສ້າງຢ່າງແທດ​ເໜາະ, ທົ່ວ​ເຖີງ​ກັນເພື່ອແກ້ໄຂຈຸ​ດອ່ອນ,​ຂໍ້​ຂາດ​ຕົກ​ບົກ​ຜ່ອງ, ອັນເປັນການກົດໜ່ວງຖ່ວງດຶງໃນການນຳພາຂອງພັກໃຫ້​ປະ​ກົດ​ຜົນ​ເປັນ​ຈິງ​.

ພິທີ​ດັ່ງ​ກ່​າວໄດ້​ໃຊ້​ເວລາ​ດຳ​ເນີນເປັນເວລາ 04 ວັນ​ແຕ່​ວັນ​ທີ່ 04 ກໍ​ລະ​ກົດ 2017 ຫາ ວັນ​ທີ່ 08 ກໍ​ລະ​ກົດ 2017ຈື່ງ​ຈະ​ໄດ້ປິດພີ​ທີດັ່ງ​ກ່າວ.

​ຂ່າວ​ໂດຍ: ເພັດ​ສະ​ໄໝ ສຸ​ວັນ​ນະ​ພົມ