ບັ້ນ​ດ​ຳ​ເນີນ​ຊິ​ວິດ​ການ​ເມືອງ​ປັບ​ປຸງ​ປົວ​ແປງ​ພັກ​ພາຍ​ໃນ​ຄະ​ນະ​ພັກຮາ​ກ​ຖານ​ພະ​ແນກ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ(ພ​ປ​ທ​ສ) ແຂວງ​ຄຳ​ມ່ວນ ​ດຳ​ເນີ​ນ​ມາ​ແຕ່ວັນທີ 04 ກໍ​ລະ​ກົດ 2017  ແລະ ໄດ້​ປິດ​ລົງ​ດ້ວຍ​ຜົນ​ສຳ​ເລັດ​ຕາມ​ຄາດ​ໝາຍ​ໃນ​ວັນ​ທີ 8 ກໍ​ລະ​ກົດ 2017  ຜ່ານ​ມາ​ນີ້ ​ໂດຍ​ການເປັນປະທານຂອງ ສະຫາຍ ​ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ​, ຫົວ​ໜ້​າ​ພະ​ແນກໄປ​ສະ​ນີ,ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ, ເປັນ​ກຽດ​ເຂົ້າ​ຮ່ວມພີທີປິດໃນຄັ້ງນີ້​​ໂດຍ ສະ​ຫາຍ ພົມ​ມາ ພັນ​ທະ​ລັງ​ສີ ຮອງ​ເລ​ຂາ​ພັກ​ແຂວງ,ຫົວ​ໜ້າ​ຄະ​ນະ​ຈັດ​ຕັ້ງ​ແຂວງຄຳມ່ວນ ມີບັນດາສະຫາຍໃນຄະນະ​ພັກ​ຮາກ​ຖານ-ຄະ​ນະໜ່ວຍພັກ,ກອງເລຂາຂັ້ນແຂວງ ຕະຫຼອດເຖິງສະມາຊິກພັກສົມ​ບູນ ແລະ ສຳ​ຮອງເຂົ້າຮ່ວມ.

       ສະຫາຍ ​ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ​, ຫົວ​ໜ້​າ​ພະ​ແນກ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານກ່າວ​ວ່າ: ຕະ​ຫຼອດ​ໄລ​ຍະ​ຂອງ​ການ​ດຳ​ເນີນກອງ​ປະ​ຊຸມ​ບັນ​ດາ​ສຳ​ມະ​ຊິກ​ແມ່ນ​ໄດ້​ເຊື່ອ​ມ​ຊຶມ​ເອ​ກະ​ສານ​ເດັດ​ດ​ຽວ​ປັບ​ປຸງ​ປົວ​ແປງ​ພັກ​ໃຫ້​ປອດ​ໃສ, ເຂັ້ມ​ແຂງ ແລະ ກຳ​ແໜ້​ນບົດ​ສະ​ຫຼຸບ​ຕີ​ລາ​ຄາ​ຄວາມ​ຮັບ​ຜິດ​ຊອບ​ລວມ​ຂອງ​ຄະ​ນະ​ບໍ​ລິ​ຫານ​ງານ​ພັກ​ແຂວງ ແລະ ບົດ​ສະ​ຫຼຸບ​ຕີ​ລາ​ຄາ​ຂອງ​ຄວາມ​ຮັບ​ຜິດ​ຊອບ​ຂອງ​ຄະ​ນະ​ພັກ​ຮາກ​ຖານ-ຄະ​ນະ​ໜ່ວຍ​ພັກພະ​ແນກ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານແຂວງ  ໃນ​ການ​ປະ​ຕິ​ບັດ​ມະ​ຕິ​ກອງ​ປະ​ຊຸມໃຫຍ່​ຄັ້ງ​ທີ X ຂອງພັກ, ມະຕິ​ກອງ​ປະຊຸມ​ໃຫຍ່​ຄັ້ງ​ທີ IX ຂອງ​ອົງຄະ​ນະ​ພັກ​ແຂວງ​ ​ແລະ ມະຕິ​ກອງ​ປະຊຸມ​ໃຫຍ່​ຄັ້ງ​ທີ I ຂອງ​ຄະ​ນະ​ພັກ​ຮາກ​ຖານໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ​ແຂວງຄຳ​ມ່ວນ ພ້ອມນັ້ນ,ກໍ່​ຍັງ​ໄດ້​ທາບ​ທາມ​ລົງ​ຄະ​ແນນ​ສຽງ​ຄວາມ​ເຊື່ອ​ໜັ້ນ, ໄວ້​ວາງ​ໃຈ​ຕໍ່​ຄະ​ນະ​ພັກ​ຮາກ​ຖານ-ຄະ​ນະ​ໜ່ວຍ​ພັກ, ມີ​ການ​ຊັກ​ຖາມ​ເຈ​າ​ຈີ້ມ​ກ່ຽວ​ກັບ​ການ​ຂຽນ​ບົດ​ສຳ​ຫຼວດ, ການ​ນຳ​ພາ​ລວມ​ຂອງ​ຄະ​ນະ​ພັກ-ຄະ​ນະ​ໜ່ວຍ​ພັກ ແລະ ສຳ​ມະ​ຊິກ​ພັກ​ທັງ​ນີ້​ກໍ່​ເພື່ອ​ຕຳ​ນິ​ສົ່ງ​ຂ່າວ ກໍ່​ສ້າງ​ຊ່ວຍ​ເຫຼືອ​ເຊີ່ງ​ກັນ ແລະ ກັນ, ເປັນ​ການກວດ​ກາ​ຄວາມ​ຮັບ​ຜິດ​ຊອບ, ຄຸນ​ທາດ​ການ​ເມືອງ-ຄຸນ​ສົມ​ບັດ​ສິນ​ທຳ​ປະ​ຕິ​ບັດ, ແບບ​ແຜນ​ດຳ​​ວີ​ທີ​ນຳ​ພາ-ວີ​ທີ​ເຮັດ​ວຽກ ລວມ​ທັງ​ແບບ​ແຜນລົງ​ຊີ​ວິດ​ຂອງ​ພະ​ນັກ​ງານ​ນຳ​ພາ-ຄຸ້ມ​ ຄອງ, ສະ​ມາ​ຊິກ​ພັກ​ຕໍ່ການ​ປະ​ຕິ​ບັດ​ໜ້າ​ທີ່​ການ​ເມືອງ​ໃນ​ເງື່ອນ​ໄຂ​ໃໝ່ ​ເພື່ອ​ເສີມ​ຂະ​ຫຍາຍ​ມູນ​ເຊື້ອ​ຜົນ​ງານ​ອັນ​ດີ​ງາມ​ໃນ​ໄລ​ຍະ​ຜ່ານ​ມາ, ແກ້​ໄຂ​ຈຸດ​ອ່ອນ, ຂໍ້​ຂາດ​ຕົກ​ບົກ​ຜ​ອ່ງ, ສິ່ງ​ທ້າ​ທ້າຍ​ທົດ​ສອບ​ທີ່​ເປັນ​ໄພ​ອັນ​ຕະ​ລາຍ​ຕໍ່​ພັກ​ເຮົາ​ແນ່​ໃສ່​ປັບ​ປຸງ​ຄະ​ນະ​ພັ​ຮາກ​ຖານ-ຄະ​ນະ​ໜ່ວຍ​ພັກ, ​ ​ໃນ​ກອງ​ປະ​ຊຸມການ​ດຳ​ເນີນ​ບັ້ນ​ຊີ​ວິດ​ການ​ເມືອງ​ປັບ​ປຸງ​ປົວ​ແປງ​ພັກ​ພາຍ​ໃນ​ຄະ​ນະ​ພັກ​ຮາກ​ຖານ​ພະ​ແນກ ປ​ທ​ສ ແຂວງ ໃນ​ຄັ້ງ​ນີ້ ແມ່ນ​ມີ​ບັນ​ຍາ​ກາດ​ຟົດ​ຟື້ນ​ ແລະ ບັນ​ລຸ​ຕາມ​ຈຸດ​ປະ​ສົງ​​ເປົ້າໝາຍ​ທີ່​ວາງ​ໄວ້.


  

                                                                                             

ຂ່າວໂດຍ: ເພັດສະໄໝ ສຸວັນນະພົມ