ວັນທີ 10 ກໍ​ລະ​ກົດ 2017 ນີ້ ​ພະ​ແນກ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານແຂວງ ແລະ ພະ​ແນກ ວິ​ທ​ະ​ຍາ​ສາດ ແລະ ເຕັກ​ໂນ​ໂລ​ຊີ ໄດ້​ເຊັນສັນ​ຍາ​ກໍ່​ສ້າງ​ຫ້ອງ​ການ ກັບ ບໍ​ລິ​ສັດ​ໄຊ​ສົມ​ພົງ ກ​ໍ່​ສ້າງ​ສ້ອມ​ແປງເຄ​ຫາ​ສະ​ຖານ ແລະ ຂົວ-​ທາງ ຈຳ​ກັດ​ຜູ້​ດຽວຂື້ນ​ຢູ່​ທີ່​ພະ​ແນກ ວິ​ທ​ະ​ຍາ​ສາດ ແລະ ເຕັກ​ໂນ​ໂລ​ຊີ ແຂວງໃຫ້​ກຽດ​ເຂົ້າ​ຮ່ວມ​ໂດຍ​ ທ່ານ ຄຳ​ສອນ​ ອ້ວນ​ທະ​ວີ ກຳ​ມະ​ການ​ພັກ​ແຂວງ ທັງ​ເປັນ​ຫົວ​ໜ້າ​ຫ້ອງ​ວ່າການປົກ​ຄອງ​ແຂວງ, ມີ​ຕ່າງ​ໜ້າ​ພະ​ແນກ​ແຜນ​ການ-ການ​ລົງ​ທືນ​ແຂວງ, ພະ​ແນກ​ການ​ເງິນ​ແຂງ, ​ພະ​ແນ​ກກວດ​ກາ​ລັດແຂວງ ແລະ ​ພ້ອມ​ດ້ວຍຄະ​ນະ​ວິ​ຊາ​ການ​ທັງ​ສອງ​ພະ​ແນກທີ່​ກ່ຽວ​ຂ້ອງ​ເຂົ້າ​ຮ່ວ​ມ.

​​

ໃນ​ຄະ​ນະ​ດຽວ​ກັນ​ນັ້ນ, ທ່ານ ຫວາດ ອິນ​ຄຳ​ວົງ ຮອງ​ຫົວ​ໜ້າ​ພະ​ແນກ ປ​ທ​ສ ກໍ່​ໄດ້​​ຂື້ນຜ່ານ​ລາຍ​ງານ​ຫຍໍ້​​ກ່ຽວ​ກັບ​ຄວາມ​ເປັນ​ມາ​ຂອງ​ໂຄງ​ການ​ກໍ່​ສ້າງ​ຫ້ອງ​ການ​ທັງ​ສອງ​ພະ​ແນກ​ແມ່ນ​ໄດ້​ຮັບ​ທືນ​ຈາກ​ການ​ເຫັນ​ດີ​ຂອງ​ແຂວງ ຈາກ​ການ​ໂອນ​ກຳ​ມະ​ສິ​ດ​ທີ່​ດີນ​ຂອງ​ລັດ ເຊີ່ງ​ເປັນ​ທີ່​ຕັ້ງ​ຫ້ອງ​ການ​ປະ​ຈຸ​ບັນ​ຂອງ 02 ພະ​ແນກ ໃຫ້​ທະ​ນາ​ຄານ​ລາວ​ຫວຽດ, ເຊີ່ງ​ທາງ​ແຂວງ​ກໍ່​​ໄ​ດ້​ຕົກ​ລົງ​ແຕ່ງ​ຕັ້ງ​ຄະ​ນະ​ຊີ້​ນຳ ແລ​ະ ​ຄະ​ນະກອງ​ເລ​ຂາ​ການ​ປະ​ມູນໂຄ​ງ​ການ​ກໍ່​ສ້າງ, ເພື່ອ​ເຮັດ​ໃຫ້​ໂຄງ​ການ​ກໍ່​ສ້າງ​​ໄດ້​ຮັບ​ການ​ຈັດ​ຕັ້ງ​ປະ​ຕິ​ບັດ​ຖືກ​ຕ້ອງ​ຕາມ​ລະ​ບຽບ​ຫຼັກ​ການ​ໃນ​ການ​ຈັດ​ຊື້​ຈັດ​ຈ້າງ ໂດຍ​ການ​ປະ​ມູນ​ໂຄງ​ການ​ກໍ່​ສ້າງ​ດັ່ງ​ກ່າວ ເຊີ່ງ​ມີ​ບໍ​ລິ​ສັດ​ເຂົ້າ​ຮ່ວມ​ປະ​ມູນ​ທັງ​ໝົດ 05 ບໍ​ລິ​ສັດ. ແຕ່​ຜົນ​ການ​ປະ​ມູນ​ທາມ​ທາມ​ແມ່ນ​ບໍ​ລິ​ສັດ​ໄຊ​ສົມ​ພົງ​ກໍ່​ສ້າງ​ສ້ອມ​ແປງ​ເຄ​ຫາ​ສະ​ຖານ ແລະ ຂົວ​ທາງ​ຈຳ​ກັດ​ເປັນ​ຜູ້​ສະ​ນະ​ການ​ປະ​ມູນ​ເຊີ່ງ​ມີ​ມູນ​ຄ່າ​ກໍ່​ສ້າງ ແລະ ອອກ​ແບບ​ທັງ​ໝົດ 9,781,652,525 ກີບ, ​ໃຊ້​ເວ​ລາ​ກໍ່​ສ້າງ 18 ເດືອນ ແລະ ໂດຍ​ອີງ​ໃສ່ຂໍ້​ຕົກ​ລົງ​ຂອງ​ເຈົ້າ​ແຂວງ​ແຂວງໆ​ຄຳ​ມ່ວນ ສະ​ບັບ​ເລກ​ທີ 1285/.ຄມ, ລົງ​ວັນ​ທີ 14 ມີ​ຖູ​ນາ 2017 , ເຊີ່ງ​ໄດ້​ມອບ​ໃຫ້​ພະ​ແນກ ວ​ຕ , ປ​ທ​ສ ແລະ ພະ​ແນກກ​ານ​ທີ່​ກຽວ​ຂ້ອງ ປະ​ກອບ​ຕາມ​ເງື່ອນ​ໄຂ​ຂອງ​ການ​ປະ​ມູນດ ຈັດ​ຕັ້ງ​ເຊັນ​ສັນ​ຍາ ກັບ​ ບໍ​ລິ​ສັດ​ດັ່ງ​ກ່າວ​ຂື້ນ.

ຫຼັງ​ຈາກນັ້ນ, ທ່ານ ນາງ​ໄພ​ບູນ ໄຊ​ຍະ​ກຸມ​ມານ ຫົວ​ໜ້າ​ພະ​ແນກ ວິ​ທະ​ຍາ​ສາດ ເຕັກ​ໂນ​ໂລ​ຊີ​ກໍ່​ໄດ້​ຂື້ນ​ຜ່ານ​ຮ່າງ​ສັນ​ຍາ​ຮັບ​ເໝົາ ແລະ ​ໃນ​ຕອນ​ທ້າຍ​ທັງ​ສອງ 02 ພະ​ແນກ ແລະ ບໍ​ລິ​ສັດ​ໄຊ​ສົມ​ພົງ​ກໍ່​ສ້າງ​ສ້ອມ​ແປງ​ເຄ​ຫາ​ສະ​ຖານ ແລະ ຂົວ​ທາງ​ຈຳ​ກັດຈື່ງ​ໄດ້​ຮ່ວມ​ລົງ​ນາມ​ເຊັນ​ສັນ​ຍາ​ຢ່າງ​ເປັນ​ທາງ​ການ​ຂື້ນ​ໂດຍ​ການ​ເປັນ​ສັກ​ຂີ​ພະ​ຍານ​ຂອງ​ທ່ານ ທ່ານ ຄຳ​ສອນ​ ອ້ວນ​ທະ​ວີ ກຳ​ມະ​ການ​ພັກ​ແຂວງ ທັງ​ເປັນ​ຫົວ​ໜ້າ​ຫ້ອງ​ວ່າການປົກ​ຄອງ​ແຂວງ ແລະ ພະ​ແນ​ການ​ທີ່​ກ່ຽວ​ຂ້ອງ.

ພາ​ຍ​ຫຼັງ​​ເຊັນ​ສັນ​ຍາແລ້ວ​ທາງ​ບໍ​ລິ​ສັດ​ຈະ​ເລີ່ມ​ລົງ​ມື​ປະ​ຕິ​ບັດ​ວຽກ​ຮັບ​ເໝົາ​ຢູ່​ສະ​ຖານ​ທີ່​ພາຍ​ໃນ 15 ວັນ, ​ຫຼັງ​ຈາກ​ເຊັນ​ສັນ​ຍານ ແລະ ໃຫ້ສຳ​ເລັດ​ວຽກ 100% ພາຍ​ໃນ 18  ເດືອນ ໂດຍ​ຮັບ​ປະ​ກັນ​ທາງ​ດ້ານ​ເຕັກ​ນິກ ແລະ ຄຸນນ​ະ​​​ພາບ ເຊີ່ງ​ເລີ່​ມ​ແຕ່​ມື້​ເຊັນ​ສັນ​ຍາ​ເປັນ​ຕົ້ນ​ໄປ.
                                                                                     

 

       

   ຂ່າວໂດຍ: ເພັດສະໄໝ ສຸວັນນະພົມ