ໃນວັນທິ 14 ກໍ​ລະ​ກົດ 2017 ນີ້ ເວ​ລາ 13 ໂມງ 30 ນາ​ທີ ໜ່ວຍ​ສະ​ຫະ​ພັນ​ແມ່​ຍິງພະແນກໄປສະນີ, ໂທລະຄົມມະນາຄົມ ແລະ ການ ສື່ສານ (ປທສ), ບໍ​ລິ​ສັດ​ລັດ​ວິ​ສາ​ຫະ​ກິດ ລາວ​ໂທ​ລະ​ຄົມ ແລະ ບໍ​ລິ​ສັດ​ລັດ​ວິ​ສາ​ຫະ​ກິດ​ໄປ​ສະ​ນີ ​ ໄດ້ຈັດພິທິປາຖະກະຖາ ​ເນື່ອງ​ໃນ​ວັນສ້າງ​ຕັ້ງ​ແມ່​ຍິງ​​ລາວ ນັບ​ແຕ່​ວັນ​ທີ 20 ກໍ​ລະ​ກົດ 1955 - 20 ກໍ​ລະ​ກົດ 2017 ຄົບຮອບ 62  ປີ ຢູ່ທີ່ຫ້ອງປະຊຸມ ບໍ​ລິ​ສັດ​ລັດ​ວິ​ສາ​ຫະ​ກິດ ລາວ​ໂທ​ລະ​ຄົມ ໂດຍການເປັນປະ​ທານ​ຂອງ ​ທ່ານ ໄທ​ຍະ​ພອນ ສິງ​ທອງ ເລຂາຄະນະ​ພັກ​ຮາກ​ຖານ, ພະ​ແນ​ກ ປທສ ແລະ ທັງເປັນຫົວໜ້າພະແນກ

         ເປັນກຽດເຂົ້າຮ່ວມໃນ​ພີ​ທີໂດຍ​ແມ່ນ ທ່ານ​ນາງ ສະ​ຫັວນ​ນາ​ລີ ເພັດ​ລຳ​ພັນ ຄະ​ນະ​ບໍ​ລິ​ຫານ​ງານ​ແມ່​ຍິງ, ມີຜ​ູ່​ອຳ​ນວຍ​ການບໍ​ລິ​ສັດ  ບໍ​ລິ​ສັດ​ລັດ​ວິ​ສາ​ຫະ​ກິດ ລາວ​ໂທ​ລະ​ຄົມ,​​ ຕະ​ຫຼຼອດ​ຮອດ​ສຳ​ມະ​ຊິກ​ສະ​ຫະ​ພັນ​ແມ່​ຍິງ, ຕ່າງ​ໜ້າ​ອົງ​ການ​ຈັດ​ຕັ້ງ​ກຳ​ມະ​ບານ, ອົງ​ການ​ຈັດ​ຕັ້ງຊາວ​ໜຸ່ມ ພະ​ແນກ ປ​ທ​ສ, ບໍ​ລິ​ສັດ​ລັດ​ວິ​ສາ​ຫະ​ກິດໄປ​ສະ​ນີ ແລະ ບໍ​ລິ​ສັດ​ລັດ​ວິ​ສາ​ຫະ​ກິດລາວໂທ​ລະ​ຄົມ​ແຂວງ ເຂົ້າ​ຮ່ວມ  6 ສະ​ຫາຍ.

ກອງ​ປະ​ຊຸມ​ ຍັງ​ໄດ້ຮັບ​ຟັງ​ການ​ນຳ​ສະ​ເໜີ​ເອ​ກະ​ສານ​ມະ​ຕິ​ກອງ​ປະ​ຊຸມ​​ຄັ້ງ​ທີ່ III ຂອງ​​ຊົນ​ຄົບ​ຄະ​ນະ​ສະ​ຫະ​ພັນ​ແມ່​ຍິງ​ແຂວງ ໃຫ້​ກຽດ​ຜ່ານ​ໂດຍ​ແມ່ນ ທ່ານ ນາງ ເພັດລຳມອນແກ້ວກັນຍາ ​ປະ​ທານ​ສະ​ຫະ​ພັ​ນ​ແມ່ນ​ຍິງ ພະ​ແນກ ປ​ທ​ສ ແຂວງ​.

​ຈາກນັ້ນ, ກອງ​ປະ​ຊຸມຍັງ​ໄດ້ຮັບ​ຟັງ​ການ​ເລົ່າ​ຄືນ​ມູນ​ເຊື້ອ​ວັນສ້າງ​ຕັ້ງ​​​ອົງ​ການ​ຈັດ​ຕັ້ງ​ສະ​ຫະ​ພັນແມ່​ຍິງ​​ລາວ​ຄົບ​ຮອບ 62 ປີ ເຊີ່ງ​ນຳ​ສະ​ເໜີ​ໂດຍ ​ ທ່ານ​ນາງ ສະ​ຫັວນ​ນາ​ລີ ເພັດ​ລຳ​ພັນ ຄະ​ນະ​ບໍ​ລິ​ຫານ​ງານ​ແມ່​ຍິງ, ໃນຕອນ​ທ້າຍ​ພີ​ທີທ່ານ ໄທ​ຍະ​ພອນ ສິງ​ທອງ ​ກໍ່​ໄດ້​ໂອ້​ລົມ​ຕໍ່​ພີ​ທີ​ດັ່ງ​ກ່​າວ​​ໂດຍ​ທ່າ​ໄດ້​ຍົກ​ໃຫ​້ ​ເຫັນ​ເຖິງຄວາມໝາຍ ຄວາມຄວາມສຳຄັນ ຂອງ​ວັນ​ດັ່ງກ່າວ ໃຫ້ກັບບັນດາ​ສະ​ມາ​ຊິກ​ແມ່​ຍິງ​ທຸກ​ທ່ານໃຫ້​ຮັບ​ຮູ້ ແລະ ໄດ້ເຂົ້າໃຈ ​ເຖິງ​ມູນ​ເຊື້ອ ຂອງວັນສ້າງ​ຕັ້ງ​​​ອົງ​ການ​ຈັດ​ຕັ້ງ​ສະ​ຫະ​ພັນແມ່​ຍິງ​​ລາວ​ເຮັດ​ໃຫ້​ສະ​ມາ​ຊິກ​​ແມ່​ຍິງ​ພາຍ​ໃນ​ພະ​ແນ​ກກໍ່​ຄື​​ສາມບໍ​ລິ​ສັດ​ລັດ​ວິ​ສາ​ຫະ​ກິດ​ໂທ​ລະ​ຄົມ​ມະ​ນາ​ຄົມ, ກຳ​ແໜ້ນ​ລັກ​ສະ​ນະ​ດີ​ເລີດ​ຂອງ​​ແມ່​ຍິງ​ລາວ​, ເຫັນ​ໄດ້​ເຖິງ​ການ​ເຕີບ​ໃຫ່​ຍ​ຂະ​ຫຍາຍ​ຕົວ​ຂອງ​​ແມ່​ຍິງ​​ໃນທົ່ວປະ​ເທດ, ຜົນ​ງານ​ການ​ເຄື່ອ​ນໄຫວຂອງ​ແມ່​ຍິງ​ລາວ​ໃນ​ພາ​ລະ​ກິດ​ປະ​ຕິ​ວັດ​ສະ​ໄໝ​ຕໍ່​ສູ້​ປົດ​ປ່ອຍ​ຊາດ​ກໍ່​ຄື​ປະ​ກອບ​ສ່ວນ​ເຂົ້າ​ໃນ​ການ​ປົກ​ປັກ​ຮັກ​ສາ ແລະ ສ້າງ​ສາ​ປະ​ເທດ​ຊາດ, ທັງ​ເປັນ​ການ​ປຸກ​ລະ​​ດົມ​ໃຫ​້​ສະ​ມາ​ຊິກ​​ແມ່​ຍິງເສີມ​ຂະ​ຫຍາຍ​ສິດ​ປະ​ຊາ​ທິ​ປະ​ໄຕ, ມີ​ສິດ​ເທົ່າ​ທຽມ​ກັນ, ເພີ່ມ​ທະ​ວີ​ຄວາມ​ສາ​ມັກ​ຄີ​ໃນ​ຖັນ​ແຖວ​ແມ່​ຍິງລາວ​ໃຫ້​ເປັນ​ປຶກ​ແຜ່ນ​ແໜ້ນ​ໜາ, ເພື່ອ​ເປັນ​ກຳ​ລັງ​ແຮງ​ໃນ​ການ​ຈັດ​ຕັ້ງ​ປະ​ຕິ​ບັດ​ແນວ​ທທາງ​ນະ​ໂຍ​ບາຍ​ຂ​ອງ​ພັກ​ ແລະ ທິດ​ທາງ​ແຜນ​ການ​ຂອງ​ລັດ​ແຕ່​ລະ​ໄລ​ຍະ​ໃຫ້​ປະ​ກົດ​ຜົນ​ເປັນ​ຈິງ​.

ພິທິໄດ້ດຳເນີນ​ໄປ​ເປັນ​ເວລາ​ເຄິ່ງວັນ ແລະ ກໍ່ໄດ້ປິດລົງດ້ວຍເນື້ອໃນເລີກເຊີ່ງ ແລະ ເປັນຂະບວນການຟົດຟື້ນ.

ຂ່າວໂດຍ: ເພັດສະໄໝ ສຸວັນນະພົມ