ດ້ວຍ​ຄວາມ​ສາມາດ​ຂອງ​ສ​ມາ​ດ​ໂຟນ​ ທີ່​ຕ້ອງ​ການ​ເຊື່ອມ​ຕໍ່​ອິນ​ເຕີ​ເນັດ​ຕະຫລອດ​ເວລາ​ ເຮັດໃຫ້​ເວລາ​ໃຊ້​ງານ​ຜ່ານ​ເຄືອ​ຂ່າຍ​ 3G / 4G ກໍ​ຍັງ​ໃຊ້​ data ແບບ​ບໍ່​ຍັບຍັ້ງ​ເລີຍ​ ບົດ​ຄວາມ​ນີ້​ເລີຍ​ມາ​ບອກ​ວິທີ​ຕັ້ງ​ຄ່າ​ສຳລັບ​ຜູ້​ໃຊ້​ iPhone ໃຫ້​ກິນ​ Data 3G 4G ໜ້ອຍ​ລົງ​ກັນ​ ຊຶ່ງ​ອາດ​ຈະ​ເຮັດໃຫ້​ທ່ານໃຊ້​ງານ​ data ໄດ້​ຕະຫລອດ​ ເພື່ອ​ຊ່ວຍ​ໃນການປະ​ຢັດ​ເງີນ​ຂອງ​ທ່ານໄດ້​ດ້ວຍ​

1.ຕັ້ງ​ຄ່າ​ iTunes ແລະ​ App Store ບໍ່​ໃຫ້​ໂຫຼດ​ດ້ວຍ​ເຄືອ​ຂ່າຍ​ມື​ຖື​ 3G / 4G

 

 

ທ່ານ​ສາມາດ​ຕັ້ງ​ຄ່າ​ແອບ​ iTunes ແລະ​ App Store ສຳລັບ​ການ​ດາວ​ໂຫຼດ​ພາບ​ຫນັງ ໂຫຼດ​ເພງ​ ໂຫຼດ​ແອບ​ ຫຼື ໂຫຼດ​ເກມ​

ໂດຍ​ໄປ​ທີ່​ Settings > ເລືອກ​ iTunes & App Store >> ແລ້ວ​ກໍ່ການ​ປິດ​ Use Cellular Data. ເພື່ອ​ບໍ່​ໃຫ້​ດາວ​ໂຫຼດ​ຜ່ານ​ທາງ​ 3G , 4G ແລະ​ການ​ທີ່​ຈະ​ດາວ​ໂຫຼດ​ໄດ້​ຕ້ອງ​ໃຊ້​ຜ່ານ​ການ​ເຊື່ອມ​ຕໍ່​ Wi-Fi

2.ປິດ​ການ​ເຮັດ​ວຽກງານ​ແອບ​ເບື້ອງ​ຫຼັງ​

 

 

 

ໃນຂະນະ​ທີ່​ທ່ານໃຊ້​ສ​ມາ​ດ​ໂຟນ​ ມີ​ຫຼາຍ​ແອບ​ຍັງ​ເຮັດວຽກ​ຢູ່ໃນ​ຮູບ​ແບບ​ Background App ດັ່ງ​ນັ້ນ​ຕ້ອງ​ປິດ​ແອບ​ທີ່​ເຮັດວຽກ​ເບື້ອງ​ຫຼັງ​ຢູ່​ ໂດຍ​ເຂົ້າໄປ​ທີ່​ Settings >ເລືອກ​ General > ເລືອກ​ Background App Refresh  ຈາກ​ນັ້ນ​ກໍ​ເລືອກ​ປິດ​ບາງ​ແອບ​ທີ່​ບໍ່​ຕ້ອງ​ການ​ເຮັດ​ວຽກງານ​ເບື້ອງ​ຫຼັງ​ໄດ້​ເລີຍ​

3.ເບິ່ງ​ແອບ​ວ່າ​ແອບ​ໃດ​ໃຊ້​ Data ຫຼາຍ​

 

 

ໂດຍ​ເຂົ້າໄປ​ທີ່​  Settings > ເລືອກ​ Cellular ຈະ​ເຫັນລາຍ​ຊື່​ແອບ​ພ້ອມ​ຂະໜາດ​ data ຂອງ​ແຕ່​ລະ​ແອບ​ ທ່ານສາມາດ​ເລືອກ​ປິດ​ ຫລື​ ຖອນ​ການ​ຕິດ​ຕັ້ງ​ແອບ​ທີ່​ກິນ​ data ຫຼາຍອອກ​ໄປ​ກໍ່ໄດ້​

4.ປິດ​ Wi-Fi Assist ປ້ອງ​ກັນ​ການ​ເຊື່ອມ​ຕໍ່​ Wi-Fi ແລ້ວ​ໃຊ້​ 3G 4G ພ້ອມ​ໆ​ກັນ​ດ້ວຍ​

 

ໂດຍ​ເຂົ້າໄປ​ທີ່​  Settings > ເລືອກ​ Cellular ຈາກ​ນັ້ນ​ເລື່ອນ​ລົງ​ມາ​ດ້ານ​ລຸມ​ ໃຫ້​ເລືອກ​ ປິດ​ ທີ່​ Wi-Fi Assist ໃຫ້​ຮຽບຮ້ອຍ​

5.ສຳລັບ​ຜູ້ທີ່ມັກຟັງ​ເພງ​ ເນັ້ນ​ດາວ​​ໂຫຼດ​ເພງ​ ຄວນບໍ່​ຫລິ້ນ​ stream

 

   ຫາກ​ທ່ານມັກ​ຟັງ​ເພງ​ຜ່ານ​ທາງ​ສະ​ມາ​ດ​ໂຟນ​ແມ່ນ ​ ເຂົ້າໄປ​ທີ່​  Settings > ເລືອກ​ Music >> ເລືອກ​ທີ່​ Use Cellular Data ໃຫ້​ກໍ່ການ​ປິດ​ Stream ເພື່ອ​ບໍ່​ໃຫ້​ໂຫຼດ​ຕະຫລອດ​ເວລາ​ໃນ​ການຟັງ​ເພງ​ ແລະ​ເປີດ​ທີ່​ດາວ​ໂຫຼດ​ແທນ​ ກໍລະນີ້​ຈະ​ໂຫຼດ​ເພງ​ມາ​ຟັງ​ ຊຶ່ງ​ເພງ​ນັ້ນ​ຈະ​ໂຫຼດ​ລົງ​ເຄື່ອງ​ພຽງ​ເທື່ອ​ດຽວ​ແລະ​ສາມາດຟັງ​ເພງ​ນັ້ນ​ເທິງ​ເຄື່ອງ​ສະ​ມາດ​ໂຟນ​ ໂດຍ​ບໍ່​ຕ້ອງ​ໃຊ້​ເນັດ​ 3G , 4G ຕະຫລອດ​ເວລາ​

6.ຕັ້ງ​ຄ່າ​ແອບ​ເມວ ໃຫ້​ດຶງ​ຂໍ້​ມູນ​ອ່ານ​ເມວ​ດ້ວຍ​ຕົນເອງ​

 

ໃຫ້​ໄປ​ທີ່​ Settings > ເລືອກ​ Mail >ເລືອກ​  Accounts > ເລືອກ​ Fetch New Data. ແລ້ວ​ເລືອກ​ທີ່​ Manually ໃນ​ໝວດ​ຂອງ​ Fetch ເພື່ອ​ໃຫ້​ເຮົາ​ຈັດການ​ refresh ກວດ​ສອບ​ເມວ​ໃໝ່​ເອງ​ ໂດຍ​ບໍ່​ຕ້ອງ​ໃຫ້​ແອບ​ Mail ລໍ​ຖ້າ​ອັບ​ເດດ​ຫາ​ເມວ​ໃໝ່​ທຸກ​ນາ​ທີ​ ທຸກ​ຊັ່ວ​ໂມງ​ ຊຶ່ງ​ສິ້ນເປຶອງ​ 3G 4G

7.ໃຊ້​ໂໝດ​ Reading List ເທິງ​ເວັບ​ບ​າ​ວ​ເຊີ​​ Safari

 

 

ໂດຍ​ຂະນະ​ທ່ອງ​ເວັບ​ໄຊ​ອ່ານ​ບົດ​ຄວາມ​ທີ່​ນ່າສົນ​ໃຈ​ຜ່ານ​ທາງ​ເວັບ​ເບ​າ​ວເຊີ​​ Safari ທ່ານ​ສາມາດ​ບັນ​ທຶກ​ເພື່ອ​ອ່ານ​ຕໍ່​ໂດຍ​ບໍ່​ຕ້ອງ​ຕໍ່​ເນັດ​ໂດຍ​ ແຕະ​ປຸ່ມ​ Share ແລ້ວ​ເລືອກ​ Add to Reading List. ພຽງເທົ່ານີ້ບົດ​ຄວາມ​ໃນ​ເວັບ​ນັ້ນ​ກໍ​ຈະ​ບັນ​ທຶກ​ລົງ​ Safari ໃຫ້​ເຈົ້າ​ໄດ້​ເປີດ​ອ່ານ​ບົດ​ຄວາມ​ແບບ​ Offline ໄດ້​

ທັງ​ໝົດ​ນີ້​ຄື​ເຄັດ​ລັບ​ທີ່​ຊ່ວຍ​ໃຫ້​ iPhone ແລະ​ອຸປະກອນ​ iOS ກິນ​ Data 3G 4G ໃຫ້ໜ້ອຍ​ລົງ​ ສົ່ງ​ຜົນ​ໃຫ້​ປະ​ຢັດ​ຄ່າ​ Data Package ເນັດ​ 3G , 4G ຫລາຍ​ຂຶ້ນ​

 

ຂໍ້​ມູນ​ຈາກ​  www.it24hrs.com,