ໃນ​ວັ​ນ​ທີ 23 ພະ​ຈິກ 2016 ເວ​ລາ 8 ໂມງ 30 ນາ​ທີທີ່​ຜ່ານ​ມາ​ນີ້ ພະ​ແນກ ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ​ແຂວງຄຳ​ມ່ວນ ​ໄດ້​ຈັດພິ​ທີ​ປາ​ຖະ​ກະ​ຖາ​​ເລົ່າ​ມູນ​ເຊື້ອ​ວັນ​ສະ​ຖາ​ປາະນາ ສ​ປ​ປ ລາວ ຄົບຮອບ 41 ປີ ແລະ ວັນ​ຄ້າຍ​ວັນ​ເກີດ​ຂອງທ່ານ ​ປະ​ທານ ໄກ​ສອນ ພົມ​ວິ​ຫານ ຄົບ​ຮອບ 96 ປີ ທີ່​ຫ້ອງ​ປະ​ຊຸມ ບໍ​ລິ​ສັດ ລັດ​ວິ​ສາ​ຫະ​ກິດ ລາວ​ໂທ​ລະ​ຄົມ​ສາ​ຂາ ແຂວງ​ຄຳ​ມ່ວນ

    ໂດຍ​ການເປັນປະ​ທານຂອງ ທ່ານ ​ໄທ​ຍະ​ພອນ ສິງ​ທອງ ​ເລ​ຂາ​ຄະ​ນະ​ພັກຮາກ​ຖານ, ຫົວ​ໜ້າ​ພະ​ແນກ ປ​ທ​ສ ແຂວງ ເປັນກຽດເຂົ້າຮ່ວມມີບັນດາ​ຫົວໜ້າຂະ​ແໜງ​, ຮອງ​ຂະ​ແໜງ,ວິ​ຊາ​ການຕະຫອຼດຮອດພະນັກງານເຂົ້າຮ່ວມທັງ​ໝົດ ​ຈຳ​ນວນ 64 ທ່ານ ຍິງ 35 ທ່ານ 

 

 

    ກອງ​ປະ​ຊຸມ​ໄດ້​ເຜີຍ​ແຜ່ ​ແລະ ເຊື່ອມຊືມເອກກະສານຕ່າງໆ​ທີ່​ກ່ຽວຂ້ອງ​ກັບ​ປະຫວັດ​ຄວາມ​ເປັນ​ມາ​ຂອງສອງ​ວັນສຳຄັນ​ດັ່ງກ່າວ ໃຫ້ກັບບັນດາພະນັກງານລັດ​ຖະ​ກອນທຸກ​ທ່ານໃຫ້​ຮັບ​ຮູ້ ແລະ ໄດ້ເຂົ້າໃຈຢ່າງເລິກ​ເຊີ່ງ, ນອກ​ນັ້ນ​ແລ້ວ​ທ່ານ ຍັງ​ໄດ້​ຍົກ​​ໃຫ້​ເຫັນ ​ເຖິ່ງ​ຄວາມ​ໝາຍ​ຄວາມ​ສຳ​ຄັນ​ຂອງ​ຊາດ​ລາວ​ເຮົາ ບົນ​ພື້ນ​ຖານປຸກ​ລະ​ດົມ​ການ​ເສີມ​ຂະ​ຫຍາຍ​ມູນ​ເຊື້ອ​ອັນ​ດີ​ງາມ​ຂອງ​ຊາດ, ເຜີຍ​ແຜ່​ໂຄ​ສະ​ນາ​ກ້​ວາງ​ຂວາງ ​ແລະ ເລີກ​ເຊີ່ງ​ກ່ຽວ​ກັບ​ຜົນ​ສຳ​ເລັດ​ອັນ​ໃຫ່​ຍ​ຫຼວງ​ໃນຫຼາຍ​ໆດ້ານທີ່​ມີ​ຄວາມ​ໝາຍ​ຄວາມ​ສຳ​ຄັນ ປະ​ຫັວດ​ສາດ​ທີ່​ພວກ​ເຮົາ​ຍາດ​ມາ​ໄດ້ ໃນ​ພາ​ລະ​ກິດ​ແຫ່ງການ​ປົກ​ປັກ​ຮັກ​ສາ ແລະ ສ້າງ​ສາ​ປ​ະ​ເທດ​ຊາດ ພາຍ​ໃຕ້​ການ​ນຳ​ພາ​ຂອງ​ພັກ​ປະ​ຊາ​ຊົນ​ປະ​ຕິ​ວັດລາວໃນ​ໄລ​ຍະ 4​1 ປີ ທີ່​ຜ່ານ​ມາ.

 

 ຜົນ​ງານ, ​ຄຸນ​ງາມ​ຄວາມ​ດີ ​ແລ​ະ ຄຸນ​ສົມ​ບັດ​ສິນ​ທຳ​ປະ​ຕິ​ວັດ​ຂອງທ່ານ ປະ​ທານ ໄກ​ສອນ ພົມ​ວິ​ຫານ ຜູ້ນໍາທີ່ແສນເຄົ​າ​ລົບ​ຮັກ​ຂອງ​ປະ​ຊາ​ຊົນ​ລາວ​ທັງ​ຊາດ, ເພື່ອ​ໃຫ້​ພະ​ນັກ​ງານ​ລັດ​ຖະ​ກອນ ແລະ ສຳ​ມະ​ຊີກ​ພັກໄດ້​ຮັບ​ຮູ້, ຮ່ຳ​ຮຽນ​ເອົາ​ແບບ​ຢ່າງ​ອັນ​ໃສ​ແຈ້ງ​ດີ​ເ​ດັ່ນ​ຂອງ​ທ່ານ, ຝຶກ​ຝົນ​ຫຼໍ່ຫຼອມ​ຕົນ​ອງ​ໃນ​ທຸກ​ດ້ານ ເພື່ອ​ຮັບ​ໃຊ້​ຊາດ, ຮັບ​ໃຊ້​ປະ​ຊາ​ຊົນ​ດ້ວຍ​ຄວາມ​ບໍ​ລິ​ສຸດ​ຜຸດ​ຜ່​ອງ ແລະ ຕັ້ງ​ໜ້າ​ຈັດ​ຕັ້ງ​ປະ​ຕິ​ບັດ​ແນວ​ທາງ​ແຜນ​ນະ​ໂຍ​ບາຍ​ຂອງ​ພັກ-ລັດ​ເຮັດ​ໃຫ້​ປະ​ກົດ​ຜົນ​ເປັນ​ຈິງ. ​

        ພີ​ທີກອງ​ປະ​ຊຸມ​ໄດ້​ດຳ​ເນີນ​ມາ​​ເປັນ​ເວ​ລາ​ເຄີ່ງວັນ ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ​ທີ່​ເຕັມ​ໄປ​ດ້ວຍ​ເນື້ອ​ໃນ​ຄວາມ​ໝາຍ ຄວາມ​ສຳ​ຄັນ ແລະ​ ​ຜົນ​ສຳ​ເລັດ​ຢ່າງ​ຈົບ​ງາມ.

 

ຂຽນ​ໂດຍ: ທ່ານ ຈັນ​ທະ​ກອນ ພິ​ລາ​ຈັນ