ໃນ​ຕອນ​ເຊົ້າ​ເວ​ລາ 8:00 ຂອງວັນ​ທີ 22 ພະ​ຈິກ 2016 ທີ​ຫ້ອງ​ປະ​ຊຸມ​ບໍ​ລິ​ສັດ ລັດ​ວິ​ສາ​ຫະ​ກິດລາວ​ໂທ​ລະ​ຄົມ ໄດ້​ມີ​ພິ​ທີ​ເປິດ​ການ​ເຊື່ອມ​ຊຶມ​ເອ​ກະ​ສານ​ຂອງ​ພັກ ແລະ ເອ​ກະ​ສານ​ວຽກ​ງານກວດ​ກາ​ທົ່ວ​ປະ​ເທດ ຄັ້ງ​ທີ III ຂອງ​ຮາກ​ຖານ​ພັກ ປ​ທ​ສ ແຂວງ ພາຍ​ໃຕ້​ການ​ເປັນ​ປະ​ທານ​ຂອງ ສະ​ຫາຍ ໄທ​ຍະ​ພອນ ສິວ​ທອງ ເລ​ຂາ​ຄະ​ນະ​ພັກ​ຮາກ​ຖານ​ພະ​ແນກ​ໄປ​ສະ​ນິ,ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ແຂວງ ມີ​ບັນ​ດາ​ສະ​ຫາຍ​ພັກ​ຮາກ​ຖານ​ພະ​ແນກ ປ​ທ​ສ,ຄະ​ນະ​ໝ່ວຍ​ພັກ ທີ່​ຂື້ນ​ກັບ ຕະຫຼອດ​ຮອດ​ສະ​ມາ​ຊີກ​ພັກ​ສົມ​ບູນ,ສຳ​ຮອງ​ເຂົ້າ​ຮ່ວມ​ທັງ​ໝົດ 45 ສະ​ຫາຍ,ຍິງ 18 ສະ​ຫາຍ.

 

 

   ເອ​ກະ​ສານ ທີ່​ນຳ​ມາ​ເຜີຍ​ແຜ່​ເຊື່ອມ​ຊືມ​ໃຫ້​ສະ​ມາ​ຊິກ​ໃນ​ຄັ້ງ​ນີ້​ມີ​ຄື:

  -ບົດ​ແນະ​ນຳ​ກ່ຽວ​ກັບ​ບາງ​ເນື້ອ​ໃນ ແລະ ວິ​ທີ​ການ​ຈັດ​ຕັ້ງ​​ປະຕິ​ບັດກົດ​ລະ​ບຽບ​ຂອງ ພັກ​ປະ​ຊາ​ຊົນ ປະ​ຕິ​ວັດ ລາວ​ສະ​ໄໝ​ທີX.

-ກົດ​ລະ​ບຽບ​ຂອງ​ພັກ​ປະ​ຊາ​ຊົນ ປະ​ຕິ​ວັດ​ລາວ​ສະ​ໄໝ​ທີ X

-ບົດ​ຄັດ​ຈ້ອນ ການ​ເຄືອນ​ໄຫວ​ວຽກ​ງານກວດ​ກາ​ປີ 2011-2015 ແລະ ທິດ​ທາງ​ແຜນ​ການ ປີ 2016-2020.

-ບົດ​ສະຫຼຸບກວດ​ກາ​ຂອງ​ພະ​ແນກ ປ​ທ​ສ ແຂວງ ຄຳ​ມ່ວນ ປະ​ຈຳ​ສົກ​ປີ 2015-2016.

-ບົດ​ໂອ້​ລົມ​ຂອງ​ສະ​ຫາຍ ບຸນ​ຍັງ ວໍ​ລະ​ຈິດ ເລ​ຂາ​ທີ ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ, ປະ​ທານ​ປະ​ທານ​ແຫ່ງ ສ​ປ​ປ​ ລາວ ຕໍ່​ກອງ​ປະ​ຊຸມ​ວຽກ​ງານກວດ​ກາ​ທົ່ວ​ປະ​ເທດ​ຄັ້ງ​ທີ່ III, ຮັບ​ຟັງ​ເອ​ກະ​ສານ​ກົດ​ລະ​ບຽບ​ຂອງ​ພັກ​ປະ​ຊາ​ຊົນ ປະ​ຕິ​ວັດ​ລາວ​ສະ​ໄໝ​ທີ X.

-ບົດ​ແນະ​ນຳ​ວ່າ​ດ້ວຍ​ການ​ຈັດ​ຕັ້ງ​ປະ​ຕິ​ບັດ​ກົດ​ລະ​ບຽບ​ພັກ​ສະ​ໄໝ​ທີ X ກ່ຽວ​ກັບ​ວຽກ​ງານ​ຕິດ​ຕາມ,ກວດ​ກາ​ຂອງ​ພັກ ແລະ ຄະ​ນະ​ກວດ​ກາ​ແຕ່​ລະ​ຂັ້ນ.

-ບົດ​ໂອ້​ລົມ​ຂອງ​ສະ​ຫາຍ​ໂອ​ໃດ ສຸ​ດາ​ພອນ ກຳ​ມະ​ການ​ສູນ​ກາງ​ພັກ,ເລ​ຂາ​ພັກ​ແຂວງ,ເຈົ້າ​ແຂວງໆ​ຄຳ​ມ່ວນ. 

       ການ​ເຊື່ອມ​ຊຶມ​ເອ​ກະ​ສານ​ຂອງ ສະ​ຫາຍ ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ ໄດ້​ຂື້ນ​ມີ​ຄຳ​ເຫັນ​ພ້ອມ​ທັງ​ທິດ​ຊີ້​ນຳ​ຕໍ່​ກອງ​ປະ​ຊຸມ​ເຜີຍ​ແຜ່​ເຊື່ອມ​ຊືມ​ເອ​ກະ​ສານ​ຂອງ​ພັກ ແລະ ວຽກ​ງານກວດ​ກາ​ທົ່ວ​ປະ​ເທດ ໃນ​ຄັ້ງ​ນີ. 

 

 

 

ກອງ​ປະ​ຊຸມ​ໄດ້​ດຳ​ເນີນ​ມາ​ຮອ​ດ​ເວ​ລາ 16 ໂມງ 30 ນາ​ທີ ຂອງວັນ​ທີ 22 ພະ​ຈິກ 2016 ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ​ທີ່​ເຕັມ​ໄປ​ດ້ວຍ​ເນື້ອ​ໃນ​ຄວາມ​ໝາຍ ຄວາມ​ສຳ​ຄັນ ແລະ​ໄດ້​ຮັບ​ຜົນ​ສຳ​ເລັດ​ຢ່າງ​ຈົບ​ງາມ.