ວັນ​ທີ 31 ພຶດ​ສະ​ພາ 2018 ທີ່​ຜ່ານ​ມາ ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຄຳມ່ວນ ໄດ້ຈັດກອງປະຊຸມໃຫຍ່ ຄັ້ງທີ I ຂອງໜ່ວຍຊາວໜຸ່ມຂຶ້ນທີ່ຫ້ອງປະຊຸມຂອງພະແນກ ປທສ ແຂວງ ໂດຍພາຍໃຕ້ການເປັນປະທານຂອງ ທ່ານ ໄຊອອນຊອນ ສິດທິພອນ ຮອງເລຂາໜ່ວຍຊາວໜຸ່ມພະແນກ ປທສ ແຂວງ,ກອງປະຊຸມໃນຄັ້ງນີ້ມີບັນດາຜູ້ແທນແຂກທີ່ຖືກເຊີນທັງໝົດ 50 ສະຫາຍ, ຍິງ 23 ສະຫາຍ.

            ກອງປະຊຸມໄດ້ຖືເປັນກຽດຢ່າງສູງ ທີ່ໄດ້ຕ້ອນຮັບການເຂົ້າຮ່ວມຂອງທ່ານ ນ. ອາລີ ບົວຈຸມ ສະມາຊິກສະພາແຫ່ງ​ຊາດເຂດເລືອກຕັ້ງທີ່ 12, ທັງເປັນຄະນະບໍລິຫານງານຊາວໜຸ່ມແຂວງ, ທ່ານ ຫວາດ ອິນຄໍາວົງ ເລຂາໜ່ວຍພັກ, ທັງເປັນຮອງຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຄຳມ່ວນ, ທ່ານ ບຸນປະກອບ ໄຊຍະພູມີ ຄະນະພັກຮາກຖານພະແນກ ປທສ, ທັງເປັນອໍານວຍການບໍລິສັດ ETL ຈຳ​ກັດ,ກອງປະຊຸມແມ່ນໄດ້ສຸມໃສ່ຄົ້ນຄ້ວາ ແລະ ປະກອບຄຳຄິດຄຳເຫັນ ໃສ່ວຽກງານທີ່ສຳຄັນ ຂອງໜ່ວຍຊາວໜຸ່ມ, ພາຍໃຕ້ບັນຍາກາດອັນຟົດຟື້ນ, ສ້າງສັນ, ທັງມີຄວາມສາມັກຄີເປັນເອກະພາບສູງ ແລະ ໄດ້ສິ້ນສຸດລົງດ້ວຍໝາກຜົນອັນຈົບງາມ ເຊິ່ງມັນສະແດງອອກດັ່ງນີ້:

I.ກອງປະຊຸມໄດ້ຮັບຟັງ ແລະ ພ້ອມກັນຄົ້ນຄວ້າ, ປະກອບຄຳຄິດຄຳເຫັນ ໃສ່ຮ່າງລາຍງານການເມືອງທັງ II ພາກ, ບົດສຳຫຼວດການນຳພາ ຂອງຄະນະໜ່ວຍຊາວໜຸ່ມຊຸດເກົ່າ, ໄດ້ເປັນເອກະພາບ ຕີລາຄາດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ,ບົດຮຽນໃນການຊີ້ນຳ-ນຳພາ ແລະ ການຈັດຕັ້ງປະຕິບັດ ໃນໄລຍະຜ່ານມາ, ພ້ອມກັນນັ້ນ ກອງປະຊຸມ ຍັງໄດ້ເປັນເອກະພາບ ຮັບຮອງເອົາທິດທາງແຜນການ ແລະ ຄາດໝາຍສູ້ຊົນ 5 ປີ ໃນຕໍ່ໜ້າ ແຕ່ປີ 2018-2022 ດັ່ງນີ້:

  1.ເອົາໃຈໃສ່ສຶກສາອົບຮົມ ທາງດ້ານການເມືອງ-ແນວຄິດ ໃຫ້ແກ່ສະມາຊິກຊາວໜຸ່ມ ໃຫ້ໄດ້ 90% ຂຶ້ນໄປຂອງຈໍານວນສະມາຊິກທັງໝົດ.

  2.ປັບປຸງ ແລະ ກໍ່ສ້າງການຈັດຕັ້ງຊາວໜຸ່ມ ໃຫ້ມີຄວາມເຂັ້ມແຂງ ຕິດພັນກັບການລວມຊີວິດປະຈຳເດືອນ, ເສຍເງີນບຳລຸງ ແລະ ສົ່ງເງີນບຳລຸງໃຫ້ຂັ້ນເທິງເປັນປົກກະຕິ.

  3.ສູ້ຊົນປະຕິບັດມະຕິກອງປະຊຸມໃຫຍ່ຄັ້ງທີ VII ຂອງຜູ້ແທນຊາວໜຸ່ມທົ່ວແຂວງຄຳມ່ວນ ໃຫ້ປະກົດຜົນເປັນຈິງ ແລະ ໄດ້ຕາມຕົວເລກຄາດໝາຍທີ່ວາງໄວ້.

  4.ເພີ່ມທະວີຄວາມສາມັກຄີ ກັບ ອົງການຈັດຕັ້ງມະຫາຊົນພາຍໃນໜ່ວຍຄື: ຮາກຖານສະຫະພັນແມ່ຍິງ, ຮາກຖານກຳມະບານ ເພື່ອພ້ອມກັນສ້າງໃຫ້ການຈັດຕັ້ງຂອງຕົນມີຄວາມໜັກແໜ້ນ ແລະ ເຂັ້ມແຂງ ເພື່ອປະກອບສ່ວນໃນການສ້າງໃຫ້ໜ່ວຍພັກພະແນກ ປທສ ແຂວງຄຳມ່ວນ ກາຍເປັນໜ່ວຍພັກແຂງ-ຮູ້ນຳພາຮອບດ້ານໃນແຕ່ລະປີ.

  5.ເພີ່ມ​ທະ​ວີ​ການ​ພົວ​ພັນ ສ້າງ​ຄວາມ​ສາ​ມັກ​ຄີ​ກັບ​ຊາວ​ໜຸ່ມອ້ອມ​ຂ້າງ ໂດຍ​ການ​ຈັດ​ກິດ​ຈະ​ກຳ​ແຂ່ງ​ຂັນ​ກິ​ລາ​ຕ່າງໆ ໃຫ້​ໄດ້ 10 ຄັ້ງ/ປີ,ນ​ຳ​ສະ​ມາ​ຊິກ​ຊາວ​ໜຸ່ມ​ເຂົ້າ​ຮ່ວມ​ຂະ​ບວນ​ການ​ຕ່າງໆ​ທີ່​ອົງ​ການ​ຈັດ​ຕັ້ງ​ຊາວ​ໜຸ່ມ​ຂັ້ນ​ແຂວງ ກໍ່​ຄື​ອົງ​ການ​ຈັດ​ຕັ້ງ​ພັກ-ລັດ ແຕ່​ລະ​ຂັ້ນ​ຈັດ​ຂື້ນ.

  6.ເປັນ​ເຈົ້າ​ການ​ຈັດ​ຕັ້ງ​ປະ​ຕິ​ບັດ​ຂະ​ບວນ​ການ​ແຂ່ງ​ຂັນ 4 ບຸກ ໃຫ້​ບັນ​ລຸ​ຄາດ​ໝາຍ ທາງ​ດ້ານ​ປະ​ລິ​ມານ ແລະ ຄຸນ​ນະ​ພາບ.

II.ກອງ​ປະ​ຊຸມ​ໄດ້​ເປັນ​ເອ​ກະ​ພາບ ໃນ​ການ​ປັບ​ປຸງ​ກົງ​ຈັກ ການ​ຈັດ​ຕັ້ງ​ຊາວ​ໜຸ່ມ​ພາຍ​ໃນ​ໜ່ວຍ ໂດຍ​ການ​ແຍກ ພາກ​ສ່ວນ​ສະ​ມາ​ຊິກ​ຊາວ​ໜຸ່ມ​ທີ່​ຂື້ນ​ກັບ ບໍ​ລິ​ສັດ ETL ຈຳ​ກັດ ແລະ ພາກ​ສ່ວນ​ສະ​ມາ​ຊິກ​ຊາວ​ໜຸ່ມ​ທີ່​ຂື້ນ​ກັບ ພະ​ແນກ ປ​ທ​ສ ແຂວງ​ຄຳ​ມ່ວນ ອອກ​ເປັນ 2 ໜ່ວຍ​ຊາວ​ໜຸ່ມ ເອ​ກະ​ລາດ.

III.ສະ​ມາ​ຊິກ​ຊາວ​ໜຸ່ມ​ທີ່​ຂື້ນ​ກັບ​ແຕ່​ລະ​ໜ່ວຍ ໄດ້​ພ້ອມ​ກັນ​ໃຊ້​ສິດ​ປະ​ຊາ​ທິ​ປະ​ໄຕ​ຂອງ​ຕົນ​ປ່ອນ​ບັດ​ຄັດ​ເລືອກ​ເອົາ ຄະ​ນະ​ໜ່ວຍ​ຊາວ​ໜຸ່ມ​ຊຸດ​ໃໝ່ ຂອງ​ຕົນ ບົນ​ພື້ນ​ຖານຫຼັກ​ການລວມ​ສູນ​ປະ​ຊາ​ທິ​ປະ​ໄຕ​ທັງ​ຖືກ​ຕ້ອງ ແລະ ສອດ​ຄ່ອງ​ກັບ​ມາດ​ຖານ​ເງື່ອນ​ໄຂ ທີ່​ກຳ​ນົດ​ໄວ້ ເພື່ອ​ຊີ້​ນຳໆ ພາວຽກ​ງານ​ຊາວ​ໜຸ່ມ​ຕໍ່​ໜ້າ ຄື :

            ໜ່ວຍ​ຊາວ​ໜຸ່ມ ພະ​ແນກ ປ​ທ​ສ ແຂວງ ເຊີ່ງ​ມີ​ຜູ້​ສະ​ໝັກ​ເລືອກ​ຕັ້ງ​ທັງ​ໝົດ 5 ສະ​ຫາຍ,ຍິງ 1 ສະ​ຫາຍ,ໃນ​ນັ້ນ​ເລືອກ​ເອົາ 3 ສະ​ຫາຍ ຄື້:

  1.ສະ​ຫາຍ ແອ​ໃຫຍ່ ຈັນ​ທະ​ລາ.

  2.ສະ​ຫາຍ ພົມ​ລິ​ຄິດ ຍົນ​ແສງ.

  3.ສະ​ຫາຍ ນ ພອນ​ວັນ ແສງ​ມະ​ນີ.

            ກອງ​ປະ​ຊຸມ​ຄັ້ງ​ປະ​ຖົມ​ມະ​ລຶກ ໄດ້​ເປັນ​ເອ​ກະ​ສັນ​ສົມ​ບູນ​ເລືອກ​ເອົາ ເລ​ຂາ​ໜ່ວຍ,ຮອງ​ເລ​ຂາ​ໜ່ວຍ,ປະ​ທານກວດ​ກາ,ຄະ​ນະ​ໜ່ວຍ​ຊາວ​ໜຸ່ມ ບໍ​ລິ​ສັດ ETL ຈຳ​ກັດ ດັ້ງ​ນີ້:

   1.ສະ​ຫາຍ ບຸນ​ຕາ ແສງ​ດາ​ລາ ເປັນ​ເລ​ຂາ​​​ໜ່ວຍຊາວ​ໜຸ່ມ.

   2.ສະ​ຫາຍ ສຸດ​ໃຈ ທຸມ​ພະ​ລາ ເປັນ​ຮອງ​ເລ​ຂາ,ປະ​ທານກວດ​ກາ.

   3.ສະ​ຫາຍ ນ ຫຼ້າ​ແກ້ວ ​ປັນ​ຍາ​ແສງ ເປັນຄະ​ນະ​ໜ່ວຍ​ຊາວ​ໜຸ່ມ.

          ກອງ​ປະ​ຊຸມ​ໃຫຍ່​ຄັ້ງ​ນີ້ ຍັງ​ໄດ້​ຮັບ​ຟັງ​ການ​ໂອ​ລົ້ມ ຂອງ​ທ່ານ ນ.ອາ​ລີ ບົວ​ຈູມ ສະ​ມາ​ຊິກ​ສະ​ພາ​ແຫ່ງ​ຊາດ​ເຂດ​ເລືອກ​ຕັ້ງ 12 ,ຮອງ​ເລ​ຂາ​ຄະ​ນະ​ບໍ​ລິ​ຫານ​ງານ​ຊາວ​ໜຸ່ມ​ແຂວງ,ຊຶ່ງ​ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ ຕໍ່​ການ​ຊີ້​ນຳ-ນຳ​ພາ​ຂອງ​ຄະ​ນະ​ໜ່ວຍ​ຊຸດ​ເກົ່າ ແລະ ບັນ​ດາ​ສະ​ມາ​ຊິກ​ຊາວ​ໜຸ່ມ​ໃນ​ໄລ​ຍະ​ຜ່ານ​ມາ ;ພ້ອມ​ກັນ​ນັ້ນ ທ່ານ​ ຍັງ​ສະ​ແດງ​ຄວາມ​ເປັນ​ຫວ່ງ ເປັນ​ໄຍ ກັບ​ບັນ​ດາ​ຈຸດ​ອ່ອນ  ແລະ ຂໍ້​ຄົງ​ຄ້າງ ແລະ ໄດ້​ໃຫ້​ທິດ​ເຍືອງ​ທາງ​ຕໍ່​ການ​ຈັດ​ຕັ້ງ​ປະ​ຕິ​ບັດ​ໜ້າ​ທີ​ວຽກ​ງານ ຂອງ​ຄະ​ນະ​ໜ່ວຍ​ຕະຫຼອດຮອດ​ສະ​ມາ​ຊິກ​ຊາວ​ໜຸ່ມ,ເປັນ​ທິດ​ຊີ້​ນຳ-ນຳ​ພາ ແລະ ຈັດ​ຕັ້ງ​ປະ​ຕິ​ບັດ​ວຽກ​ງານ​ຂອງ​ຊາວ​ໜຸ່ມ​ໃນ​ຕໍ່​ໜ້າ​ໃຫ້​ມີ​ຜົນ​ງານ​ຍິງ​ໃຫຍ່​ຂື້ນກວ່າ​ເກົ່າ.

          ກອງ​ປະ​ຊຸມ​ໃຫຍ່​ຄັ້ງ​ນີ້ ແມ່ນ​ມີ​ຄວາມ​ໝາຍ ຄວາມ​ສຳ​ຄັນ​ອັນ​ໃຫຍ່​ຫຼວງ ສະ​ນັ້ນ,ຈຶ່ງ​ຂໍ​ຮຽກ​ຮ້ອງ​ໃຫ້​ສະ​ມາ​ຊິກ​ຊາວ​ໜຸ່ມ​ທຸກ​ທ່ານ ຈົ່ງ​ພ້ອມ​ກັນ​ມີ​ຄ​ວາມ​ຮັບ​ຜິດ​ຊອ​ບ​ສູງ​ຂື້ນກວ່າ​ເກົ່າ ເປັນ​ຕົ້ນ​ທາງ​ດ້ານ​ການ​ເມ​ືອງ-ແນວ​ຄິດ,ດ້ານ​ວິ​ຊາ​ສະ​ເພາ​ະ ແລະ ຂະ​ບວນ​ການ ເພື່ອ​ເປັນ​ເສ​ນາ​ທີ​ການ​ໃຫ້​ແກ່​ຄະ​ນະ​ພັກ​ຂັ້ນ​ເທິງ ກໍ​ຄື ຄະ​ນະ​ບໍ​ລິ​ຫານ​ງານ​ຊາວ​ໜຸ່​ມ​ແຂວງ, ກອງ​ປະ​ຊຸມ​ໄດ້​ດຳ​ເນີນ​ມາ​ຮອດ​ເວ​ລາ 16 ໂມງ 30 ນາ​ທີກໍ່​ໄດ້​ປິດ​ລົງ​ດ້ວຍ​ຜົນ​ສຳ​ເລັດ​ອັນ​ຈົບ​ງາມ.   

ຂຽນ​ໂດຍ:ຈັນ​ທະ​ກອນ ພິ​ລາ​ຈັນ