ດ່ວນ…! ຜູ້ໃຊ້ງານ Yahoo ຖືກ Hack ແນະນຳໃຫ້ປ່ຽນລະຫັດທັນທີ.

            ນັບຕັ້ງແຕ່ປີ 2013 ທີ່ມີຂ່າວວ່າຜູ່ໃຊ້ງານລະບົບ Yahoo ຖືກແຮັກ 1000 ລ້ານບັນຊີ ແລະ ຕາມຂ່າວໃນປີ 2014 ກໍໄດ້ຖືກ ແຮັກໄປອີກ 500 ລ້ານບັນຊີຫລ້າສຸດໄດ້ມີການຖະແຫລງຂ່າວອອກມາແລ້ວວ່າ “ທຸກໆ” ບັນຊີແມ່ນໄດ້ຖືກແຮັກໄປເປັນທີ່ຮຽບຮ້ອຍແລ້ວ ຮວມເປັນ 3000 (ສາມພັນ) ລ້ານກວ່າບັນຊີ ເຊິ່ງໃນປະກາດຖະແຫລງຂ່າວນີ້ ທາງ Yahoo ບໍ່ໄດ້ບອກແຈ້ງວ່າມີຂໍ້ມູນຫຍັງຫລຸດອອກໄປແດ່, ໄດ້ບອກພຽງແຕ່ວ່າ: ບໍ່ມີລະຫັດຜ່ານທີ່ເປັນ Clear Text ຫລຸດໄປ,  ແຕ່ອີງຕາມຂ່າວເກົ່າແລ້ວ ຂໍ້ມູນລະຫັດບັດເຄຣດິດ, ເບີໂທລະສັບ, ອີເມວ, ວັນເດືອນປີເກີດ ແລະ ລະຫັດຜ່ານ ແມ່ນໄດ້ເຂົ້າລະຫັດໄວ້.

 

  ອີງຕາມຂ່າວນີ້ ຜູ່ຂຽນເອງຢາກຂໍແນະນຳໃຫ້ທຸກຄົນທີ່ໃຊ້ ເມວ Yahoo ຫລື ໃຊ້ຜລິດຕະພັນຂອງ Yahoo ແມ່ນໃຫ້ຮີບປ່ຽນລະຫັດຜ່ານໃນທັນທີທີ່ອ່ານຈົບ ແລະໄດ້ມີຄຳແນະນຳໃນການຮັກສາຄວາມປອດໄພຂອງທ່ານເອງດັ່ງນີ້:

 

1. ໃຫ້ປ່ຽນລະຫັດຜ່ານ ແລະ ປ່ຽນຄຳຖາມກັນລືມ (security question ) ຂອງ Yahoo ທັນທີໂດຍສະເພາະຫາກໃຊ້ລະຫັດເວັບອື່ນທີ່ຄືກັບລະຫັດເມວ Yahoo ກໍໃຫ້ປ່ຽນນຳ

2. ໃຫ້ລະວັງການໂຈຕີແບບ Phishing ຄືການຕົວະໃຫ້ເຮົາເປີດເວັບປອມ ຫລືເວັບທີ່ຝັງໄວຣັສ ແລ້ວຈະຖືຕົວະເອົາຂໍ້ມູນ

3. ລະຫັດຜ່ານໃຫມ່ຄວນປ່ຽນຈາກອັນເກົ່າແລະບໍ່ໃຫ້ຄືກັນ ເພາະ Hacker ສາມາດເອົາໄປ ກວດກັບເວັບອື່ນໄດ້ວ່າໃຊ້ລະຫັດດຽວກັນບໍ່?

4. ລະຫັດຄວນມີ ໂຕອັກສອນໃຫຍ່,ນ້ອຍ,ໂຕເລກ,ອັກສອນພິເສດ ແລະມີຄວາມຍາວ 8 ໂຕຢ່າງນ້ອຍງ

5. ລະວັງເລື່ອງການຕັ້ງຄຳຖາມ (security question ) ຢ່າໃຫ້ເດົາໄດ້ ໂຕຢ່າງເຊັ່ນ: ນາມສະກຸນຂອງພໍ່ແມ່ນຫຍັງ? ແບບນີ້ເດົາງ່າຍ

6. ໃຫ້ເປີດ Two-Factor Authentication ໃນທຸກບໍລິການທີ່ເປັນໄປໄດ້

7. ໃຊ້ Mail Server ຂອງໂຕເອງ ເຖິງຈະຖືກແຮັກກໍຍັງຮັກສາໂດເມນໄວ້ໄດ້ ແລະກູ້ຄືນໄດ້

   ຫລາຍທ່ານອ່ານແລ້ວອາດຈະຍັງຄິດບໍ່ອອກເຖິງຜົນກະທົບຂອງມັນແຕ່ໃນປະສົບການຂອງຜູ່ຂຽນເອງແລ້ວເຄີຍມີຫລາຍຄົນທີ່ ໄດ້ຮັບຜົນກະທົບ ແລະມາປຶກສາຍົກໂຕຢ່າງເຄສ Facebook ຖືກແຮັກຍ້ອນ Yahoo.

ລຳດັບເຫດການດັ່ງນີ້:

 

1.ເຍື່ອໃຊ້ອີເມວ  Yahoo ໃນການສະຫມັກ Facebook

 2.Mail Yahoo ຖືກແຮັກ ແຕ່ລະຫັດຜ່ານກໍຖືກເຂົ້າລະຫັດໄວ້ອີກຊ້ອນນຶ່ງ

 3.ຫລັງຈາກ ແຮັກເກີ ເອົາລະຫັດ ຂອງYahoo ທີ່ຖືກແຮັກໄດ້ ໄປແກະລະຫັດອອກມາໄດ້

4. ເຂົາກໍສາມາດມາອ່ານເມວເຮົາໄດ້

5. ຈາກນັ້ນເຂົາກໍເລີ່ມເອົາເມວເຮົາໄປຊອກຫາໃນ Facebook ວ່າມີເມວນີ້ຫລືບໍ່?

6. ຫາກມີກໍເລີ່ມ Login ດ້ວຍລະຫັດຜ່ານດຽວກັນ

7. ຫາກບໍ່ໄດ້ ກໍແຈ້ງລືມລະຫັດຜ່ານຂອງ Facebook ໄປໃຫ້ເມວ Yahoo

8. ປ່ຽນລະຫັດຜ່ານໄດ້ແລ້ວ ກໍ Login Facebook ໄດ້

9. ເຂົ້າ Facebook ໄດ້ກໍ ເລີ່ມປະຕິບັດການປັ່ນປ່ວນເຊັ່ນ: ຍິດ Facebook Page, ສົ່ງຂໍ້ຄວາມໄປຕົວະຢືມເງິນຫມູ່ ຫລື ອື່ນໆ (ຮ້າຍໄປກວ່ານັ້ນ ຍັງຍຽນລະຫັດເຮົາ,ປ່ຽນເມວ, ປ່ຽນເບີໂທ)

ຈາກ 9 ຂັ້ນຕອນນີ້ຫລາຍຄົນອາດຄິດວ່າມັນຍາກ ແຕ່ຄວາມຈິງແລ້ວສາມາດຂຽນໂປຣແກຣມມາໃຫ້ເຮັດອັດຕະໂນມັດເອງໄດ້.

ເຊິ່ງວິທີປ້ອງກັນທີ່ດີຕອນນີ້ກໍຄືການເປີດການຢືນຢັນລະຫັດຊັ້ນທີ່ 2 ( Two-Factor Authentication ) ແລະຕາມຄຳແນະນຳຂ້າງເທິງ

ທ້າຍສຸດນີ້ຢາກຝາກໃຫ້ຜູ້ອ່ານບົດຄວາມນີ້ແລ້ວຮີບກັບໄປປ່ຽນລະຫັດຜ່ານຂອງທ່ານເອງໃນທັນທີ ຫລືຫາກມີຄົນທີ່ຮູ້ຈັກທີ່ໃຊ້ບໍລິການຂອງ Yahoo ຢູ່ກໍໃຫ້ແນະນຳໃຫ້ພວກເຂົາປ່ຽນລະຫັດໃນທັນທີ, ຫາກທ່ານເປັນອົງກອນ ແນະນຳໃຫ້ໃຊ້ eMail Server  ເປັນຂອງໂຕເອງເພາະເວລາຖືກແຮັກຍັງສາມາດເອົາຄືນກັບມາໄດ້

ບົດຂ່າວອ້າງອີງ:

https://ecorneronline.com/hacker-hit-3-billion-yahoo-accounts/

https://www.blognone.com/node/95984

https://www.theguardian.com/technology/2016/dec/14/yahoo-hack-security-of-one-billion-accounts-breached

http://money.cnn.com/2017/10/03/technology/business/yahoo-breach-3-billion-accounts/index.html