ວັນອັງຄານ, 04/9/2018 10:32:52 AM            :: ຊົມເຊີຍ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ , 2 ທັນວາ ປີ 1975 - 2 ທັນວາ ປິ 2017 ຢ່າງສຸດໃຈ ::

            ແຈ້ງການ                    

ແຈ້ງການເຊື່ອມຕໍ່ອິນເຕີເນັດ,ການໃຫ້ບໍລິການອິນເຕີເນັດ ແລະ ການໃຫ້ບໍລິການອິນເຕີເນັດກາເຟ.

ເມືອງທ່າແຂກ

Post by ທ່ານ ດ່ອນຄຳ ຄຸນນຸວົງ
on 19 ມີຖຸນາ 2018

   ເປັນເທດສະບານແຂວງຄຳມ່ວນ ເມືອງທ່າແຂກ ຕັ້ງຢູ່ແຄມແມ່ນ້ຳຂອງ ແລະ ເປັນຈຸດຂ້າມຜ່ານທີ່ສຳຄັນກົງກັນຂ້າມກັບນະຄອນພະ ນົມປະເທດໄທ. ສະຖາປານິກຈຳນວນຫຼວງຫຼາຍໄດ້ສະທ້ອນໃຫ້ເຫັນເອກະລັກການກໍ່ສ້າງ ສະໄໝອານານິຄົມ ຝຣັ່ງໃນປີ 1911-1912 ຊື່ຂອງເມືອງທ່ແຂກເປັນພາສາລາວ ມີຄວາມໝາຍວ່າທ່າຈອດເຮືອຂອງແຂກຕ່າງປະເທດ ຫຼື ພໍ່ຄ້າຕ່າງປະເທດໃນສະໄໝສົງຄາມອິນ ດູຈີນຄັ້ງທີ 2 ທ່າແຂກກາຍເປັນສຸນກາງຍຸດທະສາດອັນສຳຄັນໃຈ ກາງເມືອງທ່າແຂກແມ່ນເຂດ

ບໍລິເວນນ້ຳພຸໃກ້ກັບ ແມ່ນ້ຳຂອງຢູ່ທີ່ນັ້ນຍັງມີຕຶກອາຄານແບບຝຣັ່ງ ຫຼົ່ງເຫຼືອຢູ່ເປັນຈຳນວນຫລວງຫຼາຍຢູ່ໃນເຂດບໍລິເວນນັ້ນ ທ່ານຍັງສາມາດເຫັນຕົວເມືອງທີ່ພໍ່ຄ້ານຳໃຊ້ມາຮອດປະຈຸບັນນີ້. 

ຖ້ຳກອງລໍ

Post by ທ່ານ ດ່ອນຄຳ ຄຸນນຸວົງ
on 19 ມີຖຸນາ 2018

        ເປັນແຫຼ່ງທ່ອງທ່ຽວມະຫັດສະຈັນແຫ່ງໜຶ່ງຂອງແຂວງຄຳມ່ວນຖ້ຳກອງລໍມີລວງຍາວ7,5ກິໂລແມັດທ່ານສາມາດນ່ັງເຮືອເຂົ້າໄປຊົມຄວາມສວຍງາມຢູ່ໃນຖ້ຳໄດ້ຍ່າງສະດວກສະບາຍ.ການໄປຢ້ຽມຢາມຖ້ຳກອງລໍຄວນໄປນອນຢູ່ເຮືອນພັກບ້ານນາຕານເຫຼືອບ້ານກອງລໍນອກນັ້ນຍັງມີເຮືອນພັກສາລາຫີນບູນແລະເຮືອນພັກບ້ານຄູນຄຳ(ບາງຄົນເອີ້ນວ່າບ້ານນາຫີນ)ຊຶ່ງເປັນປະຕູດ່ານເຂົ້າໄປຫາຖ້ຳກອງລໍ, ຈາກເສັ້ນທາງ ເລກທີ 13ເຂົ້າໄປທາງເລກ 8 ຮອດບ້ານຄູນຄຳຈາກນັ້ນທ່ານອາດຈະຂີ່ເຮືອ ຫຼືລົດໄປທາງບ້ານກອງລໍ.

 

ຖ້ຳນາງແອນ

Post by ທ່ານ ດ່ອນຄຳ ຄຸນນຸວົງ
on 19 ມີຖຸນາ 2018

ນິທານກ່ຽວກັບຖ້ຳນີ້ມີການເຊື່ອມໂຍງກັບຖ້ຳຊຽງລຽບຢູ່ບ່ອນນີ້ເປັນບ່ອນຊຽງນ້ອຍ ແລະ ລູກສາວພະລືສີລົມກັນ. ຖ້ຳແຫ່ງນີ້ມີຄວາມສູງ 30 ແມັດ ແລະ ເລີກ 2,5 ກິໂລແມັດຖ້ຳນີ້ຕັ້ງຢູ່ຫ່າງຈາກຕົວເມືອງທ່າແຂກໄປທາງທິດຕາເວັນອອກສ່ຽງເໜືອ 18 ກິໂລແມັດຕາມເສັ້ນທາງເລກທີ 12 ລ້ຽວຂວາຢູ່ບ່ອນມີປ້າຍ. ຍ່າງໄປອີກ 700 ແມັດທ່ານຈະໄປຮອດປາກຖ້ຳ. ຖ້ຳແຫ່ງນີ້ເປັນບ່ອນທ່ອງທ່ຽວສຳລັບນັກທ່ອງທ່ຽວທາງພາຍໃນ ແລະ ຕ່າງປະເທດໃນທ້າຍສັບປະດາ.

 

ກຳແພງຍັກ

Post by ທ່ານ ດ່ອນຄຳ ຄຸນນຸວົງ
on 19 ມີຖຸນາ 2018

 ອີງຕາມນະວະນິຍາຍໄດ້ເວົ້າວ່າກຳແພງນີ້ເອີ້ນວ່າກຳແພງຍັກສ້າງຂື້ນໃນສະໄໝອານາຈັກສີໂຄດຕະບອງ ຊຶ່ງບາງຄົນກໍ່ເວົ້າວ່າເຖີ່ງມັນຈະເກີດຂຶ້ນເອງ ຕາມທຳມະຊາດແຕ່ມັນກໍ່ສາມາດປະສົມປະສານເປັນລະບົບປ້ອງກັນໃນຍຸກສະໄໝນັ້ນ. ເປັນສະຖານທີ່ທີ່ຄວນໄປຢ້ຽມຢາມ, ກຳແພງຍັກຕັ້ງຢູ່ຫ່າງຈາກຕົວເມືອງທ່າແຂກໄປທາງທິດເໜືອ 8 ກິໂລແມັດຕາມເສັ້ນທາງເລກທີ່ 13d

 

ພະທາດສີໂຄດຕະບອງ

Post by ທ່ານ ດ່ອນຄຳ ຄຸນນຸວົງ
on 19 ມີຖຸນາ 2018

ພະທາດສີໂຄດຕະບອງ ເປັນສາສະໜາສະຖານທີ່ ທີ່ມີຄວາມສັກສິດແຫ່ງໜຶ່ງຂອງ ສປປ ລາວ. ຊຶ່ງໄດ້ສ້າງຂຶ້ນໃນສະໄໝອາຈັກສີໂຄດຕະບອງ(ສະຕະວັດທີ 6-8) ເປັນບ່ອນເກັບມ້ຽນອັດທິຂອງພະພຸດທະເຈົ້າ. ໃນເດືອນກຸມພາຂອງທຸກໆປີກົງກັບມຶ້ເດືອນເພັງເພິ່ນໄດ້ມີງານບຸນສະເຫຼີມສະຫຼອງພະທາດສີໂຄດຕະບອງຢ່າງຄຶກຄື້ນມ່ວນຊື່ນ.