ກອງປະຊຸມໃຫຍ່ສະມາຊິກພັກສະໄໝທີ II ຂອງຮາກຖານພັກ ພະແນກ ປທສ

30 ກໍລະກົດ 2020 1019
Rate this item
(0 votes)
ກອງປະຊຸມໃຫຍ່ສະມາຊິກພັກສະໄໝທີ II ຂອງຮາກຖານພັກ ພະແນກ ປທສ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 18 ມິຖຸນາ 2020, ທີ່ຫ້ອງປະຊຸມຂອງພະແນກ ປທສ ແຂວງຄໍາມ່ວນ, ໂດຍການເປັນປະທານຂອງສະຫາຍ ໄທຍະພອນ ສິງທອງ ເລຂາຄະນະພັກຮາກຖານ, ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ, ໂດຍການເປັນກຽດເຂົ້າຮ່ວມຂອງສະຫາຍ ບຸນມີ ພິມມະສອນ ຮອງເລຂາຄະນະບໍລິຫານງານພັກແຂວງ, ຮອງເຈົ້າແຂວງໆຄຳມ່ວນ.
 
ກອງປະຊຸມໃຫຍ່ສະມາຊິກພັກສະໄໝທີ II ຂອງຮາກຖານພັກພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້ຮັບຟັງຮ່າງບົດລາຍງາານການເມືອງທັງ 02 ພາກຂອງຄະນະພັກຮາກຖານພະແນກ ປທສ ແຂວງ ເຊິ່ງສະເໜີໂດຍສະຫາຍ ໄທຍະພອນ ສິງທອງ ເລຂາຄະນະພັກຮາກຖານ ທີ່ໄດ້ຕີລາຄາຄືນການຈັດຕັ້ງປະຕິບັດມະຕິກອງປະຊຸມໃຫ່ຍສະມາຊິກສະໃໝ່ສະໄໝທີ I ເຖິງຜົນສໍາເລັດທີ່ຍາດມາໄດ້ໃນໄລຍະຜ່ານມາ ຢ່າງພາວະວິໃສ, ກົງໄປກົງມາ ສາມາດສັງລວມໄດ້ດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ ແລະ ບົດຮຽນທີ່ຖອດຖອນໄດ້ ໃນການຈັດຕັ້ງປະຕິບັດຂອງຄະນະພັກຮາກຖານ ແລະ ສະມາຊິກພັກ ພະແນກ ປທສ ແຂວງ ໃນໄລຍະ 05 ປີຜ່ານມາ. ພ້ອມກັນນັ້ນກໍ່ໄດ້ກໍານົດທິດທາງໜ້າທີ່ວຽກງານໃນຊຸມປີຕໍ່ໜ້າ (2020-2025). ພາຍໃນກອງປະຊຸມຍັງໄດ້ຮັບຟັງການຜ່ານຮ່າງບົດສໍາຫຼວດ ການເຄື່ອນໄຫວນໍາພາຂອງຄະນະພັກຮາກຖານ ເຊິ່ງໄດ້ຕີລາຄາສູງ ຕໍ່ການບຸກບືນບາກບັ່ນຂອງຄະນະພັກໃນການຈັດຕັ້ງປະຕິບັດໜ້າທີ່ວຽກງານ ເຮັດໃຫ້ໄດ້ຮັບຜົນສຳເລັດເປັນຢ່າງດີ, ສ້າງກາລະໂອກາດເຮັດໃຫ້ວຽກງານໄປສະນີ, ໂທລະຄົມມະນາຄົມ ແລະ ການສື່ສານແຂວງຄຳມ່ວນໄດ້ມີທ່ວງທ່າ ແລະ ມີບາດກ້າວຂະຫຍາຍຕົວຂຶ້ນໄປເລື້ອຍໆ. ເພື່ອຮັບປະກັນໃຫ້ແກ່ການນໍາພາ 05 ປີໃນຕໍ່ໜ້າ ກອງປະຊຸມຍັງໄດ້ດຳເນີນການປ່ອນບັດຄັດເລືອກເອົາຄະນະພັກຮາກຖານຊຸດໃໝ່ ຈໍານວນ 5 ສະຫາຍ, ຍິງ ນຶ່ງສະຫາຍ ເຊິ່ງມີລາຍຊື່ລຸ່ມນີ້:
1. ສະຫາຍ ຫວາດ ອິນຄຳວົງ
2. ສະຫາຍ ບຸນປະກອບ ໄຊຍະພູມີ
3. ສະຫາຍ ໜູນຄຳ ໄຊຍະກຸມມານ
4. ສະຫາຍ ອານຸສັກ ມຸນທະລາດ
5. ສະຫາຍ ນາງ ເພັດລຳມອນ ແກ້ວກັນຍາ

 

 
ກອງປະຊຸມຄັ້ງປະຖົມມະລຶກຂອງຄະນະພັກຮາກຖານສະໄໝ II ໄດ້ເປັນເອກະສັນ ເລືອກເອົາ ສະຫາຍ ຫວາດ ອິນຄຳວົງ ເປັນເລຂາຄະນະພັກຮາກຖານພະແນກ ປທສ ແຂວງ, ເລືອກເອົາສະຫາຍ ໜູນຄຳ ໄຊຍະພູມີ ເປັນຮອງເລຂາຄະນະພັກຮາກຖານ, ທັງເປັນປະທານກວດກາຂອງຄະນະພັກຮາກຖານ, ເລືອກເອົາສະຫາຍ ບຸນປະກອບ ໄຊຍະພູມີ ເປັນຄະນະພັກຮາກຖານ, ເລືອກເອົາສະຫາຍ ອານຸສັກ ມຸນທະລາດ ເປັນຄະນະພັກຮາກຖານ, ເລືອກເອົາສະຫາຍນາງ ເພັດລຳມອນ ແກ້ວກັນຍາ ເປັນຄະນະພັກຮາກຖານ.

 
ກອງປະຊຸມໃຫ່ຍພວກເຮົາໄດ້ຖືເປັນກຽດຢ່າງສູງທີ່ໄດ້ຂຳນັບຮັບຕ້ອນສະຫາຍ ບຸນມີ ພິມມະສອນ ຮອງເລຂາພັກແຂວງ, ຮອງເຈົ້າແຂວງໆຄຳມ່ວນທີ່ໄດ້ເປັນກຽດເຂົ້າຮ່ວມກອງປະຊຸມໃຫ່ຍສະມາ ຊິກພັກສະໄໝທີ II ຂອງຮາກຖານພັກພະແນກ ປທສ ໃນຄັ້ງນີ້ ພ້ອມນັ້ນ ຍັງໄດ້ມີຄໍາເຫັນໂອ້ລົມຕໍ່ກອງປະຊຸມໃຫ່ຍ ເຊິ່ງການໂອ້ລົມດັ່ງກ່າວນັ້ນ ສະຫາຍໄດ້ເນັ້ນໜັກບາງບັນຫາທີ່ສຳຄັນໃນຄະນະພັກຮາກຖານ ພະແນກ ປທສ ແຂວງ ຕ້ອງໄດ້ເອົາໃຈໃສ່ຕໍ່ວຽກງານສຶກສາອົບຮົມການເມືອງແນວຄິດເປັນປັດໃຈຫຼັກໃຫ້ແກ່ສະມາຊິກພັກພະນັກງານລັດຖະກອນ ເພື່ອໃຫ້ຮັບຮູ້ ເຂົ້າໃຈໄດ້ ແລະ ເຊື່ອມຊືມຕໍ່ແນວທາງນະໂຍບາຍຂອງພັກມີຄວາມຕື່ນຕົວທາງດ້ານການເມືອງສູງ, ເພີ້ມທະວີ ແລະ ຍົກສູງການຄົ້ນຄວ້າຮໍ່າຮຽນເອົາແນວທາງນະໂຍບາຍຂອງພັກ ລະບຽບກົດໝາຍຂອງລັດຮໍ່າຮຽນເອົາທິດສະດີມາກ-ເລນິນ ຍົກສູງທາງດ້ານວິຊາສະເພາະ, ພາສາຕ່າງປະເທດ ເພື່ອຍົກລະດັບຄວາມຮູ້, ຄວາມສາມາດໃຫ້ແກ່ຕົນເອງເພື່ອຮັບໃຊ້ໜ້າທີ່ໆທາງຂັ້ນເທິງມອບໝາຍໃຫ້ພ້ອມທັງເສີມຂະຫຍາຍຫົວຄິດປະດິດສ້າງ ເຂົ້າໃນວຽກງານທີ່ຕົນເອງຮັບຜິດຊອບໃຫ້ສຳເລັດ.
ກອງປະຊຸມໃຫຍ່ສະມາຊິກພັກສະໄໝທີ II ຂອງຄະນະພັກຮາກຖານພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງໄດ້ດຳເນີນມາຮອດເວລາ 12: 45 ນາທີ ກໍ່ໄດ້ອັດລົງດ້ວຍຜົນສຳເລັດອັນຈົບງາມ.
Last modified on ວັນພະຫັດ, 30 ກໍລະກົດ 2020 08:15