ມອບ-ຮັບ ຫົວໜ້າພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ແຂວງຄຳມ່ວນ ລະຫ່ວາງ ຜູ້ເກົ່າ ແລະ ຜູ້ໃໝ່

Rate this item
(0 votes)
ໃນວັນທີ 04 ກັນຍາ 2020 ເວລາ 9:00 ໂມງ ຢູ່ທີ່ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຄຳມ່ວນ, ໄດ້ຈັດພີທີປະກາດແຕ່ງຕັ້ງ ແລະ ມອບ-ຮັບ ໜ້າທີ່ວຽກງານລະຫວ່າງຫົວໜ້າພະແນກ ຜູ້ເກົ່າ ແລະ ຜູ້ໃໝ່,
 
   ໂດຍການເຂົ້າຮ່ວມຂອງທ່ານ ໂອໄດ ສຸດາພອນ ເຈົ້າແຂວງໆ ຄຳມ່ວນ, ພ້ອມດ້ວຍບັນດາທ່ານຕາງໜ້າຈາກພະແນກການທີ່ກ່ຽວຂ້ອງອ້ອມຂ້າງແຂວງ, ອຳນວຍການລັດວິສາຫະກິດ ຜູ້ໃຫ້ບໍລິການດ້ານໄປສະນີ, ໂທລະຄົມພາຍໃນແຂວງ,ຫ້ອງການ ປທສ ເມືອງຕະຫລອດເຖິງພະນັກງານພະແນກດັ່ງກ່າວເຂົ້າຮ່ວມ.ໃນໂອກາດນີ້ ທ່ານ ນາງ ມົນທາ ລັດຖະຈັກ ຄະນະຈັດຕັ້ງແຂວງ ໄດ້ຂື້ນຜ່ານຂໍ້ຕົກລົງວ່າດ້ວຍການແຕ່ງຕັ້ງ ທ່ານ ຫວາດ ອິນຄຳວົງ ຮອງຫົວໜ້າພະແນກ ປທສ ແຂວງ ຂື້ນເປັນ ຫົວໜ້າພະແນກ ປທສ ແຂວງ. ແລະ ຂໍ້ຕົກລົງຂອງເຈົ້າແຂວງໆຄຳມ່ວນ ວ່າດ້ວຍການແຕ່ງຕັ້ງ ທ່ານ ນາງ ເພັດລຳມອນ ແກ້ວກັນຍາ ຫົວໜ້າຂະແໜງ ແຜນການ-ການເງີນ ຂື້ນເປັນຮອງຫົວໜ້າພະແນກ ປທສ ແຂວງ.ຈາກນັ້ນກໍ່ໄດ້ຜ່ານບົດບັນທຶກ, ມອບ-ຮັບ ໜ້າທີ່ວຽກງານລະຫວ່າງ ທ່ານ ໄທຍະທອນ ສິງທອງ ຫົວໜ້າພະແນກ ປທສ ແຂວງ ຜູ້ເກົ່າ ກັບ ທ່ານ ຫວາດ ອິນຄຳວົງ ຫົວໜ້າພະແນກ ປທສ ແຂວງ ຜູ້ໃໝ່. ຫຼັງຈາກນັ້ນກໍ່ໄດ້ເຊັນບົດບັນທຶກ ມອບ-ຮັບ ໜ້າທີ່ລະຫວ່າງ ຜູ້ເກົ່າ ແລະ ຜູ້ໃໝ່, ໂດຍຊ້ອງໜ້າ ທ່ານ ໂອໄດ ສຸດາພອນ ເຈົ້າແຂວງໆຄຳມ່ວນ ພ້ອມບັນດາແຂກຖືກເຊີນທີ່ເຂົ້າຮ່ວມເປັນສັກຂີພະຍານ ໃນການມອບ-ຮັບ ດັ່ງກ່າວ.
 
     
 

 

 

 
Last modified on ວັນອັງຄານ, 08 ກັນຍາ 2020 02:29