ພະແນກໄປສະນີ,ໂທລະຄົມມະນາຄົມ ແລະ ການສື່ສານ ແຂວງຄຳມ່ວນ ສະຫຼຸບການຈັດຕັ້ງປະຕິບັດວຽກງານແຂ່ງຂັນ-ຍ້ອງຍໍ ຮັກຊາດ ແລະ ພັດທະນາ.

08 ກັນຍາ 2020 260
Rate this item
(0 votes)
ການສະຫຼຸບ ວຽກງານແຂ່ງຂັນ ພາຍໃຕ້ຄຳຂວັນ ຮັກຊາດ ແລະ ພັດທະນາຂອງ ພະແນກໄປສະນີ,ໂທລະຄົມມະນາຄົມ ແລະ ການສື່ສານ ໄດ້ຈັດຂື້ນ ໃນວັນທີ 03 ກັນຍາ 2020 ໂດຍມີ ທ່ານ ໄທຍະພອນ ສິງທອງ ຫົວໜ້າພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ແຂວງຄຳມ່ວນ, ທ່ານ ນາງ ແກ້ວດາລີ ຫຼວງໄຊມຸງຄຸນ ຮອງຫົວໜ້າພະແນກ ພາຍໃນ ແຂວງ ພ້ອມດ້ວຍບັນດາທ່ານ ຄະນະອຳນວຍການ ລັດວິສາຫະກິດ ລາວໂທລະຄົມ ມະຫາຊົນ, ບໍລິສັດ ອີທີເອວ ຈຳກັດ, ລັດວິສາຫະກິດ ໄປສະນີລາວ, ຕະຫຼອດເຖິງພະນັກງານລັດຖະກອນພາຍໃນພະແນກດັ່ງກ່າວເຂົ້າຮ່ວມ.
 
ຜ່ານການຈັດຕັ້ງແຜນເຄືອນໄຫວວຽກງານແຂ່ງຂັນ ຍ້ອງຍໍ ພາຍໃຕ້ຄຳຂວັນ ຮັກຊາດ ແລະ ພັດທະນາ ຂອງພະແນກ ປທສ ແຂວງ ໃນປີຜ່ານມາ ເຫັນໄດ້ຜົນງານໃນຫຼາຍດ້ານອ້າຍນ້ອງພະນັກງານ ສະມາຊີກພັກ ມີຄວາມອຸ່ນອ່ຽງທຸ່ນທ່ຽງ ເຊື້ອໜັ້ນໃນການນຳພາຂອງຄະນະພັກ. ມີຄວາມຕັ້ງໜ້າປະຕິບັດລະບຽບກົດໝາຍຢ່າງເຂັ້ມງວດລວມເຖິງວຽກງານບໍລິການ ການເກັບລາຍຮັບ ແລະ ມອບພັນທະເຂົ້າງົບປະມານຢ່າງປົກກະຕິ.
ພະແນກໄປສະນີ,ໂທລະຄົມມະນາຄົມ ແລະ ການສື່ສານ ໄດ້ເຄື່ອນໄຫວຕາມພາລະບົດບາດຂອງຕົນ, ກໍ່ຄືຕາມແຜນທີ່ໄດ້ມີການກຳນົດໃນຂະບວນການແຂ່ງຂັນ, ໂດຍເພີ່ມການຊຸກຍູ້ ແລະ ຄຸ້ມຄອງແກ່ບັນດາບໍລິສັດ-ລັດວິສາຫະກິດ, ຜູ້ໃຫ້ບໍລິການດ້ານໄປສະນີ, ຂະຫຍາຍປ່ອງບໍລິການໃຫ້ທົ່ວເຖິ່ງທຸກເມືອງພາຍໃນແຂວງ ແລະ ກຸ່ມບ້ານຈຸດສຸມທີ່ມີເງືອນໄຂ, ຫັນເອົາການຜະລິດ ແລະ ການບໍລິການທີ່ທັນສະໄໝ, ຄຸ້ມຄອງຊຸກຍູ້ດ້ານໂທລະຄົມ, ຂະຫຍາຍອອກສູ້ຊົນນະບົດ, ປະຈຸບັດມີບັນດາບໍລິສັດຂື້ນກັບພະແນກ ປທສ ເຊັນ: ສາຂາ ບໍລິສັດ ອີທີເອວ ຈຳກັດ, ສາຂາ ບໍລິສັດ ລາວໂທລະຄົມ ມະຫາຊົນ, ສາຂາ ບໍລິສັດ ໄປສະນີ ລາວ, ບໍລິສັດ ສະຕາໂທລະຄົມ , ສາຂາ ບໍລິສັດ ສະກາຍ ໂທລະຄົມ ແລະ ໜ່ວຍບໍລິການ ທີພຣັດ.

ຜ່ານການຈັດວຽກງານແຂ່ງຂັນ ຍ້ອງຍໍ ພາຍໃຕ້ຄຳຂວັນ ຮັກຊາດ ແລະ ພັດທະນາ ສາມາດຄັດເລືອກໄດ້ບຸກຄົນດີເດັ່ນ ປະເພດ 1 ຈຳນວນ 104 ຄົນ, ຍິງ 44 ຄົນ, ດີເດັ່ນປະເພດ 2 ຈຳນວນ 53 ຄົນ, ຍິງ 30 ຄົນ.
ໃນນັ້ນການສະຫຼຸບໃນຄັ້ງນີ້.ບັນດາຂະແໜງການຕ່າງໆຍັງໄດ້ຈັບມື ຮັບຮອງເອົາແຜນການເຄື່ອນໄຫວໃນຕໍ່ໜ້າຕື່ມອີກ.