ພິທີເລື່ອນສະມາຊິກພັກສຳຮອງຂື້ນສົມບູນ ແລະ ຮັບເອົາມະຫາຊົນທີ່ກ້າວໜ້າເຂົ້າເປັນສະມາຊິກພັກສຳຮອງ,ຂອງໜ່ວຍພັກພະແນກ ປທສ ແຂວງຄຳມ່ວນ, ໜ່ວຍພັກ ສາຂາບໍລິສັດລາວໂທລະຄົມ ມະຫາຊົນ

29 ກໍລະກົດ 2020 ຂ່າວກອງປະຊຸມພະແນກ 11
Rate this item
(0 votes)

ໃນຕອນບ່າຍຂອງວັນທີ່ 28 ກໍລະກົດ 2020 ຮາກຖານພັກພະແນກ ໄປສະນີ,ໂທລະຄົມມະນາຄົມ ແລະ ການສື່ສານໄດ້ຈັດພິທີເລື່ອນສະມາຊິກພັກສຳຮອງຂື້ນສົມບູນ ແລະ ຮັບເອົາມະຫາຊົນທີ່ກ້າວໜ້າເຂົ້າເປັນສະມາຊິກພັກສຳຮອງ,ຂອງໜ່ວຍພັກພະແນກ ປທສ ແຂວງຄຳມ່ວນ, ໜ່ວຍພັກ ສາຂາບໍລິສັດລາວໂທລະຄົມ ມະຫາຊົນ. ໂດຍການເປັນປະທານຮ່ວມຂອງສະຫາຍ ຫວາດ ອິນຄຳວົງ ເລຂາຄະນະພັກຮາກຖານ,ຮອງຫົວໜ້າພະແນກ ປທສ, ສະຫາຍ ໄທຍະພອນ ສິງທອງ ອາດິດເລຂາຄະນະພັກຮາກຖານ,ຫົວໜ້າພະແນກ ປທສ ແຂວງຄຳມ່ວນ ,ພ້ອມດ້ວຍແຂກທີຖືກເຊີນ,ສະມາຊິກພັກສົມບູນ ແລະ ສຳຮອງເຂົ້າ ຈຳນວນ 31 ສະຫາຍ.ຍິງ 16 ສະຫາຍ.
ກອງປະຊຸມໄດ້ຮັບຟັງການຜ່ານມະຕິຕົກລົງຂອງຄະນະປະຈຳພັກແຂວງວ່າດ້ວຍການອະນຸມັດເລື່ອນສະມາຊິກພັກສຳຮອງຂື້ນເປັນສະມາຊິກພັກສົມບູນ,ຂອງໜ່ວຍພັກພະແນກ ປທສ ແຂວງ , ໜ່ວຍພັກ ສາຂາບໍລິສັດ ລາວໂທລະຄົມ ມະຫາຊົນ,ຈຳນວນ 3 ສະຫາຍ ຍິງ 2 ສະຫາຍ,


1.ສະຫາຍ ສັກດາ ພູມີຈັນ
2.ສະຫາຍ ນາງ ທອງສະໄໝ ວໍລະຈິດ
3.ສະຫາຍ ນາງ ກອງມາ ສີມຸກດາ
ຮັບມະຫາຊົນທີ່ກ້າວໜ້າເຂົ້າເປັນສະມາຊິກພັກສຳຮອງ ຈຳນວນ 3 ສະຫາຍ
1.ສະຫາຍ ນາງ ໄພບູນ ອິນຊີຊຽງໃໝ່
2.ສະຫາຍ ນາງ ຄຳສະໃໝ ບຸນຫາໄຊ
3.ສະຫາຍ ນາງ ສຸກັນຍາ ວິໄລແສງ.
ກອງປະຊຸມຍັງໄດ້ຮັບຟັງການໂອ້ລົມຂອງ ສະຫາຍ ໄທຍະພອນ ສິງທອງ ອະດິດເລຂາຄະນະພັກຮາກຖານ, ຫົວໜ້າພະແນກ ປທສ ແຂວງ, ທີ່ໄດ້ໃຫ້ຄຳໂອວາດຕັກເຕື່ອນ ແລະ ໃຫ້ທິດຊີ້ນຳຕໍ່ກັບກອງປະຊຸມ, ບັນດາສະຫາຍສະມາຊິກພັກສຳຮອງເລື່ອນຂື້ນສົມບູນ,ມະຫາຊົນກ້າວໜ້າເປັນສະມາຊິກພັກສຳຮອງ,ຜ່ານການຮັບຟັງຄຳໂອ້ວາດຂອງທ່ານສຸດທີມີຄວາມໝາຍຄວາມສຳຄັນ,ເຕັມໄປດ້ວຍເນື້ອໃນອັນເລີກເຊີ່ງທີ່ເປັນເຂັມທິດເຍື່ອງທາງໃຫ້ບັນດາສະມາຊິກພັກ,ສະຫາຍສະມາຊິກພັກສົມບູນ ແລະ ສະມາຊິກພັກສຳຮອງໃໝ່ເພື່ອຝືກຝົນຫຼໍ່ຫຼອມຕົນເອງໃຫ້ກາຍເປັນສະມາຊິກພັກຜູ້ທີ່ດີເດັ່ນຕະຫລອດໄປ.

ຂຽນຂ່າວໂດຍ :  ຈັນທະກອນ ພິລາຈັນ

Last modified on ວັນພຸດ, 29 ກໍລະກົດ 2020 09:35