ວັນອັງຄານ, 04/9/2018 10:32:52 AM            :: ຊົມເຊີຍ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ , 2 ທັນວາ ປີ 1975 - 2 ທັນວາ ປິ 2017 ຢ່າງສຸດໃຈ ::

            ແຈ້ງການ                    

ແຈ້ງການເຊື່ອມຕໍ່ອິນເຕີເນັດ,ການໃຫ້ບໍລິການອິນເຕີເນັດ ແລະ ການໃຫ້ບໍລິການອິນເຕີເນັດກາເຟ.

ພະແນກ ປທສ ແຂວງຄຳມ່ວນ ຈັດກອງປະຊຸມສະຫຼຸບການເຄື່ອນໄຫວວຽກງານປະຈຳປີ 2017 ແລະ ທິດທາງແຜນການ ປີ 2018

Post on 30 ຕຸລາ 2018
by ທ່ານ ດ່ອນຄຳ ຄຸນນຸວົງ

   ໃນ​ຕອນ​ເຊົ້າ​ເວ​ລາ 8 ໂມງ 30 ນາ​ທີ ຂອງວັນ​ທີ 30 ມ​ີນາ 2018 ນີ້ ທີ່​ຫ້ອງ​ປະ​ຊຸມສະ​ຫະ​ພັນ​ແມ່​ຍິງ​ແຂວງ​ຄຳ​ມ່ວນ​ ໄດ້​ມີ​ພິ​ທີ​ເປີດກອງ​ປະ​ຊຸມ​ສະ​ຫຼຸບ​ຜົນ​ງານ​ປະ​ຈຳ​ສົກ​ປີ 2017 ແລະ ທິດ​ທາງ​ແຜນ​ການ​ປີ 2018 ຂອງ​ພະ​ແນກ​ ປທສ ແຂວງ​ຂື້ນ​ຢ່າງ​ປັນ​ທາງ​ການ ພາຍ​ໄຕ້​ການ​ເປັນ​ປະ​ທານ​ຂອງ ທ່ານ ໄທ​ຍະ​ພອນ​ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ  ຫົວ​ໜ້າ​ພະ​ແນກ ປ​ທ​ສ ແຂວງ​ຄຳ​ມ່ວນ .

     ໂດຍ​ການ​ເປັນ​ກຽດ​ເຂົາ​ຮ່ວມ ມີ​ທ່ານ​ຮອງ​ເຈົ້າ​ເມືອງ 08 ຕົວ​ເມືອງ, ມີ​ບັນ​ດາ​ຄະ​ນະ​ພະ​ແນກ​ການ​ອ້ອມ​ຂ້າງ​ແຂວງ, ຜູ້​ປະ​ສານ​ງານ​ຂັ້ນ​ເມືອງ, ຫົວ​ໜ້າ​ບໍ​ລິ​ສັດ, ລັດ​ວິ​ສະ​ຫະ​ກິດ​ໄປ​ສະ​ນີ, ໂທ​ລະ​ຄົມ​ມ​ຄ​ນາ​ຄົມທີ່​ໃຫ້​ການ​ບໍ​ລິ​ການ​ໂທ​ລະ​ຄົມ, ຕະ​ຫຼອດ​ຮອດ​ພະ​ນັກ​ງານວິ​ຊາ​ການ​ພາຍ​ໃນ​ພະ​ແນກ ປ​ທສ ເຂົ້າ​ຮ່ວມ​ທັງ​ໝົດ 63 ທ່ານ , ຍິງ 18 ທ່ານ.

                                                                                                                                                 

       ກອງ​ປະ​ຊຸມຍັງ​ໄດ້​ຮັບ​ຟັງ​ການ​ສະ​ຫຼຸບ​ຜົນ​ງານ​ການ​ເຄື່ອນ​ໄຫວ​ວຽກ​ງານ ສົກ​ປີ 2017 ແລະ ທິດ​ທາງ​ແຜນ​ການ​ປີ 2018 ເຊີ່ງ​ນຳ​ສະ​ເໜີ​ໂດຍ ທ່ານໄທ​ຍະ​ພອນ​ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ  ຫົວ​ໜ້າ​ພະ​ແນກ ປ​ທ​ສ ແຂວງ ເຊີ່ງ​ທ່ານ​ໄດ້​ຍົກ​ໃຫ້​ເຫັນ​ເຖິງ​ຜົນ​ສຳ​ເລັດ​ຫລາຍ​ດ້ານ​ໃນ​ການ​ເຄື່ອນ​ໄຫວ​ວຽກ​ງານ​ໃນ​ໜຶ່ງ​ປີ ຜ່ານ​ມາ​ມີ​ທັງ​ຂໍ້​ສະ​ດວກ, ຂໍ້​ຫຍຸ້ງ​ຍາກ ແລະ ບົດ​ຮຽນ​ທີ່​ຖອດ​ຖອນ​ໄດ້​ເພື່ອ​ເປັນ​ບ່ອນ​ອິງ​ໃຫ້​ແກ່​ການ​ເຄື່ອນ​ໄຫວ​ວຽກ​ງານ​ໃນ​ຕໍ່​ໜ້າ.                                                                                                         

     ຈາກນັ້ນ​ຜູ້​ເຂົ້າ​ຮ່ວມກອງ​ປະ​ຊຸມ​ຍັງ​ໄດ້​ຮັບ​ຟັງ​ການ​ເຜີຍ​ແຜ່​ການນຳ​ໃຊ້ ໄອ​ຊີ​ທີ( ICT) ຢູ​ສາ​ກົນ ແລະ ການ​ພັດ​ທະ​ນາ​ຢູ່ ສ​ປ​ປ ລາວ, ​ໄດ້​ຍົກ​ໃຫ​້​ເຫັນ​ໃນ​ຫລາຍໆ​ດ້ານເຊັນ: ທາງ​ດ້ານ​ການ​ສຶ​ກ​ສາ, ທາງ​ດ້ານ​ບໍ​ລ​ຫານ​ລັດ, ທາງ​ດ້ານ​ການ​ແພດ, ທາງ​ດ້ານ​ການ​ຂົນ​ສົ່ງ, ທາງ​ດ້ານ​ການ​ກະ​ສ​ກຳ ແລະ ອື່ນໆ ໃຫ້​ຜູ້​ເຂົ້າ​ຮ່ວມກອງ​ປະ​ຊຸມ​ເປັນ​ຕົນ​ແມ່ນ​ຜູ້​ຕ່າງ​ໜ້າ​ຈາກ​ເມຶອງ, ພະ​ແນ​ການ​ອ້ອມ​ຂ້າງ, ບັນ​ດາ​ບໍ​ລິ​ສັດ​ລັດ​ວິ​ສາ​ຫະ​ກິດ​ທີ່​ຂື້ນ​ກັບ​ພະ​ແນກ, ແລະ ພາ​ສ່ວນ​ທີ່​ກ່ຽວ​ຂ້ອງ​ໄດ້​ຮູ້ ແລະ ເຂົ໊າ​ໃຈ​ສະ​ພາບ​ການ​ພັດ​ທະ​ນາ​ອ​ຊີ​ທີ​ໃນ​ລາວ ກໍ່​ຄື​ສາ​ກົນ. ກອງ​ປະຊຸມ ຍັງໄດ້​ຮັບ​ຟັງ​ການ​ປະກອບ​ຄຳ​ຄິດ​ຄຳ​ເຫັນ​ຈາກ​ບັນດາ​ທ່ານ ໃສ່​​ໃນຮ່າງບົດບົດ​ສະ​ຫຼຸບ​ຢ່າງ​​ເລີກ​ເຊິ່ງ ​ແລະ ກົງ​ໄປ​ກົງ​ມາເຊິ່ງເຕັມ​ໄປ​ດ້ວຍ​​ຄວາມ​ໝາຍສຳຄັນ​ອັນ​ໜັກ​ແໜ້ນ                   

        ໃນ​ຕອນ​ທ້າຍກອງ​ປະ​ຊຸມ​ຄັ້ງ​ນີ້​ຍັງ​ໄດ້​ຮັບ​ຟັງ​ການ​ໂອ້​ລົມ, ການ​ໃຫ້​ທິດ​ຊີ້​ນຳ ຂອງ​ ທ່ານໄທ​ຍະ​ພອນ​ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ  ຫົວ​ໜ້າ​ພະ​ແນກ ປ​ທ​ສ ແຂວງ ການໂອ້​ລົ​ມ​ຂອງ​ທ່ານ​ໃນ​ຄັ້ງ​ນີ້​ສຸດ​ທີ​ມີ​ເນື້ອ​ໃນ​ເຕັມ​ໄປ​ດ້ວຍ​ຄວາມ​ໝາຍ​ຄວາມ​ສຳ​ຄັນ​ອັນ​ຄົບ​ຖ້ວນ​ເປັນ​ເຂັ້ມ​ທິ​ດຊີ້​ທາງໃຫ້​ແກ່​ຄະ​ນະ​​ປະ​ຈຳ​ພັກ​ເມືອງ, ຜູ້​ຕ່າງ​ໜ້າ​ຈາກ​ເມືອງ, ​ພ້ອມ​ດ້ວຍ​ພະ​ນັກ​ງານ​ວິ​ຊ​າການ,ບໍ​ລິ​ສັດ,ລັດ​ວິ​ສາ​ຫາກິດ​ນຳ​ໄປ​ໃຊ້​ເຂົ້າ​ໃນ​ການ​ຈັດ​ຕັ້ງ​ປະ​ຕິ​ບັດ​ໜ້າ​ທີ່​ວຽກ​ງານ​ໃຫ້​ບັນ​ລຸ​ໄດ້​ຜົນ​ສຳ​ເລັດໃໝ່​ທີ່​ໃຫ່​ຍ​ຫຼວງ​ກວ່າ​ເກົ່າ.                  

   ກອງ​ປະ​ຊຸມ​ກໍ່​ໄດ້​ດຳ​ເນີນ​ມາຮອດ​ເວ​ລາ  11 ໂມງ 45 ນາ​ທີ​ກໍ່​ໄດ້​ປິດ​ລົງ​ດ້ວຍ​ຜົນ​ສຳ​ເລັດ​ອັນ​ຈົບ​ງາມ.                                                                                                                   

ຂ່າວ​ໂດຍ: ທ່ານ ເພັດ​ສະໄໝ ສຸ​ວັນ​ນະ​ພົມ