ວັນອັງຄານ, 04/9/2018 10:32:52 AM            :: ຊົມເຊີຍ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ , 2 ທັນວາ ປີ 1975 - 2 ທັນວາ ປິ 2017 ຢ່າງສຸດໃຈ ::

            ແຈ້ງການ                    

ແຈ້ງການເຊື່ອມຕໍ່ອິນເຕີເນັດ,ການໃຫ້ບໍລິການອິນເຕີເນັດ ແລະ ການໃຫ້ບໍລິການອິນເຕີເນັດກາເຟ.

ພິທີປະ​ຖະ​ກະ​ຖາ​​ວັນ​ສ້າງ​ຕັ້ງ​ພັກ​ປະຊາຊົນ​ປະຕິວັດ​ລາວ ຄົບຮອບ 63 ປີ(22/03/1955-22/03/2018) ແລະ ​ວັນ​ເສຍ​ອົງຄະ​, ເສຍສະຫຼະຊີວິດ​ເພື່ອ​ຊາດ ຄົບຮອບ 72ປີ (21/03/1946-21/03/2018)

Post on 30 ຕຸລາ 2018
by ທ່ານ ດ່ອນຄຳ ຄຸນນຸວົງ

      ໃນ​ວັນ​ທີ 23 ມີນາ 2018 ພະ​ແນກໄປ​ສະ​ນີ,ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ​ແຂວງ ​ໄດ້ຈັດ​ພິທີປະ​ຖະ​ກະ​ຖາ​​ວັນ​ສ້າງ​ຕັ້ງ​ພັກ​ປະຊາຊົນ​ປະຕິວັດ​ລາວ ຄົບຮອບ 63 ປີ (22/03/1955-22/03/2018) ແລະ ​ວັນ​ເສຍ​ອົງຄະ​, ເສຍສະຫຼະຊີວິດ​ເພື່ອ​ຊາດ ຄົບຮອບ 72 ປີ (21/03/1946-21/03/2018)​ ຂື້ນ​ທີ່​ຫ້ອງ​ປະ​ຊຸມ ພະ​ແນກ ວ​ຕ ເປັນກຽດປາຖະກະຖາ​ວັນ​ສຳຄັນ​ດັ່ງກ່າວ​ໂດຍ ​ທ່ານ ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກຮາກ​ຖານ, ຫົວ​ໜ້າ​ພະ​ແນກ ປ​ທ​ສ, ໂດຍມີ​ຫົວ​ໜ້າ​ພະ​ແນກວິ​ທະ​ຍາ​ສາດ ແລະ ​ເຕັກ​ໂນ​ໂລ​ຊີ, ​ຫົວໜ້າອໍານວຍ​ການ​, ຫົວໜ້າຂະແໜງ​ ແລະ ຮອງຂະແໜງ ທີ່​ມາ​ຈາກ​ບໍລິສັດ​ຜູ້​ໃຫ້​ບໍລິການ​ດ້ານ​ໂທລະ​ຄົມມະນາຄົມ ແລະ ພະນັງານວິຊາການ ເຂົ້າຮ່ວມ 48 ທ່ານ, ຍິງ 26 ທ່ານ.

       ທ່ານໄດ້​ຍົກ​ໃຫ້​ເຫັນ​ມູນ​ເຊື້ອ​ແຫ່ງ​ການ​ເຕີບ​ໃຫຍ່ຂະຫຍາຍຕົວ ​ແລະ ບັນດາ​ຜົນສຳ​ເລັດ​ທີ່​ຍາດ​ມາ​ໄດ້​ຕະຫຼອດ​ໄລຍະ 63 ປີຜ່ານມາ ພາຍ​ໃຕ້​ການ​ຊີ້​ນຳ-ນຳພາ​ຂອງ​ພັກ​ປະຊາຊົນ​ປະຕິວັດ​ລາວ, ເຊິ່ງ​ເຫັນ​ໄດ້​ວ່າ​ປະ​ເທດ​ຊາດ​ໄດ້​ຮັບ​ການ​ພັດທະນາ​ຢ່າງຮອບດ້ານ​ດ້ວຍ​ບາດກ້າວ​ທີ່ໜັກ​ແໜ້ນ. ພ້ອມ​ກັນ​ນັ້ນ​ຍັງ​ໄດ້​ຍົກ​ໃຫ້​ເຫັນ​ມູນ​ເຊື້ອ​ການ​ຕໍ່ສູ້​ຂອງ​ນັກຮົບ​ປະຕິວັດ, ພ້ອມ​ດ້ວຍ​ປະຊາຊົນ​ບັນດາ​ເຜົ່າ​ຊາວ​ເມືອງ​ທ່າ​ແຂກໃນ​ບັ້ນ​ຮົບ​ປ້ອງ​ກັນ​ເມືອງ​ທ່າ​ແຂກ​ຢ່າງ​ອົງອາດ, ກ້າ​ແກ່ນ​ດ້ວຍ​ນ້ຳ​ໃຈ​ເສຍສະຫຼະ​ເພື່ອ​ປະ​ເທດ​ຊາດ​ຕ້ານ​ຈັກກະພັດ​ຜູ້​ຮຸກ​ຮານ​ໃນ​ໄລຍະ​ຜ່ານ​ມາບັ້ນຮົບດັ່ງກ່າວໄດ້ກາຍເປັນເຫດການປະຫວັດສາດແຫ່ງການຕໍ່ສູ້ພິລະອາດຫານ ແລະ ກາຍເປັນກະແສຟອງໃຫ້ແກ່ການປະຫວັດ ສາດປະຊາທິປະໄຕ ກ້າວສູ່ການ.

          ປະຕິວັດລາວໃນໄລຍະໃໝ່ໄດ້ຮັບໄຊຊະນະເປັນກ້າວໆ. ​ເຊິ່ງພິທີ​ໂຮມ​ຊຸມນຸມ​ໃນ​ຄັ້ງ​ນີ້​ແມ່ນ​ໄດ້​ສະ​ແດງ​ໃຫ້​ເຫັນ​ເຖິງ​ຄວາມ​ສາມັກຄີ​ເປັນ​ເອກະ​ພາບ ​ແລະ ​ເຊື່ອໝັ້ນຢ່າງໜັກ​ແໜ້ນຕໍ່ບາດກ້າວ​ເດີນ​ຂອງ​ປະ​ເທດ​ຊາດ ກ້າວ​ໄປ​ສູ່​ຈຸດໝາຍສັງຄົມ​ນິຍົມ ພາຍ​ໃຕ້​ການ​ນຳພາ​ຂອງ​ພັກ​ປະຊາຊົນ​ປະຕິວັດ​ລາວ ​ແລະ ​ເພື່ອ​ໂຄສະນາ​ສຶກສາ​ອົບຮົມ​ໃຫ້​ແກ່​ສະມາຊິກ​ພັກ, ພະນັກງານ, ກຳລັງ​ປະກອບ​ອາວຸດ ​ຕະຫຼອດຮອດ​ປະຊາຊົນ​ບັນດາ​ເຜົ່າ, ນັກຮຽນຮູ້, ນັກ​ສຶກສາ​ປັນຍາ​ຊົນ, ຊັ້ນ​ຄົນ​ຕ່າງໆ​ໄດ້​ຮັບ​ຮູ້ ​ແລະ ​ເຂົ້າ​ໃຈ​ກ່ຽວກັບ​ຄວາມໝາຍ, ຄວາມ​ສຳຄັນ​ຂອງ​ວັນ​ດັ່ງກ່າວ.

ຂຽນ​ໂດຍ​:ທ່ານ ຈັນ​ທະ​ກອນ ພິ​ລາ​ຈັນ