ວັນອັງຄານ, 04/9/2018 10:32:52 AM            :: ຊົມເຊີຍ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ , 2 ທັນວາ ປີ 1975 - 2 ທັນວາ ປິ 2017 ຢ່າງສຸດໃຈ ::

            ແຈ້ງການ                    

ແຈ້ງການເຊື່ອມຕໍ່ອິນເຕີເນັດ,ການໃຫ້ບໍລິການອິນເຕີເນັດ ແລະ ການໃຫ້ບໍລິການອິນເຕີເນັດກາເຟ.

ພິ​ທີ​ປາ​ຖະ​ກະ​ຖາ​ສະ​ເຫຼີມ​ສະຫຼອງວັນໄປສະນີ,​ໂທ​ລະ​ຄົມ​ມະ​ນາ​ຄົມ​ແຫ່ງ​ຊາດ​ຄົບ​ຮອບ53ປີ ວັນ​ທີ13ມີ​ນາ 1965-13 ມີ​ນາ2018

Post on 30 ຕຸລາ 2018
by ທ່ານ ດ່ອນຄຳ ຄຸນນຸວົງ

      ໃນວັນທິ 13 ມີນາ 2018 ທີ່ຜ່ານມາ ພະແນກໄປສະນີ, ໂທລະຄົມມະນາຄົມ ແລະ ການ ສື່ສານ ໄດ້ຈັດພິທິປາຖະກະຖາ ​ເນື່ອງ​ໃນ​ວັນສ້າງ​ຕັ້ງໄປສະນີ, ​ໂທລະຄົມມະນາຄົມແຫ່ງຊາດ ນັບ​ແຕ່​ວັນ​ທີ 13 ມີນາ 1965 - 13 ມີນາ 2018 ຄົບຮອບ 53 ປີ ຢູ່ທີ່ຫ້ອງປະຊຸມ ພະ​ແນກ ວິ​ທະ​ຍາ​ສາດ​ເຕັກ​ໂນ​ໂລ​ຊີ ໂດຍການເປັນປະ​ທານ​ຂອງ ​ທ່ານ ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານ , ຫົວ​ໜ້າ​ພະ​ແນກ ປ​ທ​ສ.

      ໂດຍ​​ມີ ​ຫົວ​ໜ້າ​ພະ​ແນກວິ​ທະ​ຍາ​ສາດ​ເຕັກ​ໂນ​ໂລ​ຊີ,​ບັນ​ດາ​ທ່ານ​ຄະ​ນະ​ພະ​ແນກ, ມີ​ຫົວໜ້າອໍານວຍ​ການ​, ຮອງອຳນວຍ​ການ, ຫົວໜ້າຂະແໜງ​ ແລະ ຮອງຂະແໜງ ທີ່​ມາ​ຈາກ​ບໍລິສັດ​ຜູ້​ໃຫ້​ບໍລິການ​ດ້ານໄປສະນີ,​ໂທລະ​ຄົມມະນາຄົມ ພາຍ​ໃນ​ແຂວງ, ຕະຫອຼດຮອດພະນັກງານວິຊາການພາຍໃນພະແນກ ປທສ, ແລະ ພະນັງານວິຊາການຈາກບໍລິສັດ ເຂົ້າຮ່ວມ 35 ທ່ານ, ຍິງ 13 ທ່ານ.

 ຈຸດປະສົງຂອງ​ການ​ປາຖະກະຖາ​ໃນ​ຄັ້ງ​ນີ້ ກໍ່​ເພື່ອ​​​ຫວນ​ຄືນມູນ​ເຊື້ອ​ປະຫວັດ​ຄວາມ​ເປັນ​ມາ​ຂອງ​ວັນ​ສ້າງ​ຕັ້ງ​ໄປສະນີ,ໂທລະ​ຄົມມະນາຄົມ​​ແຫ່ງຊາດຄົບຮອບ  53 ປີ.

    ໂດຍການ​ເປັນ​ກຽດ​ຂື້ນເຜີຍ​ແຜ່ ​ແລະ ເລົ່າ​ມູນ​ເຊື້ອ​ປະ​ຫັວດຄວາມ​ເປັນ​ມາ​ຂອງ​ວັນສ້າງ​ຕັ້ງໄປສະນີ,ໂທລະຄົມມະນາຄົມແຫ່ງຊາດຂອງ ທ່ານ ໄທ​ຍະ​ພອນ ສິງ​ທອງ ເລ​ຂາ​ຄະ​ນະ​ພັກ​ຮາກ​ຖານພະແນກ  ປທສ, ໃຫ້ບັນດາພະນັກງານ​ຈາກ​ບໍລິສັດ​ຜູ້​ໃຫ້​ບໍລິການ​ດ້ານ​​ໂທລະ​ຄົມມະ​ນາ​ຄົມ ພາຍ​ໃນ​ແຂວງ​ ແລະ ພະນັກງານພາຍໃນພະແນກ ປທສ ໄດ້ຮັບຮູ້, ເຂົ້າໃຈ, ​ເຫັນ​ເຖິງຄວາມໝາຍ ຄວາມຄວາມສຳຄັນ ຂອງ​ວັນປະຫັວດສາດນີ້,ເຊີ່ງຍ​າ​ມ​ໃດພັກ-ລັດ​ຖະ​ບານ​ເຮົາ​​ກໍ່​ຖື​ສຳ​ຄັນ​ວຽກ​ງານ​ໄປສະນີ,ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ​ດ້ວຍ​ການ​ຊຸກ​ຍູ້​ສົ່ງ​ເສີ​ມ​ບຸກ​ຄົນ, ນິ​ຕິ​ບຸກ​ຄົນ ຫຼື ການ​ຈັດ​ຕັ້ງ​ຕ່າງໆ ລົງ​ທຶນ​ເຂົ້າ​ໃນ​ການ​ກໍ່​ສ້າງ, ການ​ພັດ​ທະ​ນາ, ການ​ຂະ​ຫຍາຍ​ເຄື່ອ​ຂ່າຍ​ໂທ​ລະ​ຄົມ​ມະ​ນາ​ຄົມ​ຕາ​ມ​ປະ​ເພດ. ຊຸ​ກຍູ້​ການ​ປະ​ກອບ​ກິດ​ຈະ​ການໂທ​ລະ​ຄົມ​ມະ​ນາ​ຄົມ​ແນ່​ໃສ່​ໃຫ້​ປະ​ຊາ​ຊົນ​ເຂດ​ຊົນ​ນະ​ບົດ ແລະ ເຂດ​ຫ່າງ​ໄກ​ສອກ​ຫຼີກ​ສາ​ມາດ​ໃຊ້​ບໍ​ລິ​ການ​ຢ່າງ​ທົ່ວ​ເຖິງ​ສະ​ດວກ​ສະ​ບາຍ ແລະ ຄ່າ​ບໍ​ລິ​ການ​ທີ​ສົມ​ເຫດ​ສົມ​ຜົນ, ດັ່ງ​ນັ້ນ, ເພື່ອ​ນຳ​ປະ​ເທດຊາດໄປ​ສູ່​ອຸດ​ສ​າຫະ​ກຳທີ່ທັນ​ສະ​ໄໝ​ໃນ​ສະ​ເພາະ​ໜ້າ ແລະ ຍາວ​ນານ, ມັນ​ເລັ່ງ​ທວງ​ໃຫ້​ເຮົ​າ​ຕ້ອງ​ຫັນ​ການ​ຜະ​ລິດ, ການ​ບໍ​ລິ​ການ​ເຂົ້າ​ສູ້​ລວງ​ເລີກ ຍົກ​ສູງ​ສະ​ມັດ​ຕະ​ພາບ ແລະ ຄຸນ​ນະ​ພາບ​ເປັນ​ຕົ້ນ​ຕໍ​ທັງ​ສົ່ງ​ເສີ​ມ​ການ​ປະ​ດິດ​ສ້າງໃໝ່, ການ​ນຳ​ໃຊ້​ວິ​ທະ​ຍ​າ​ການໃໝ່ເຂົ້າ​ໃນ​ການ​ພັດ​ທະ​ນາ​ໃຫ້ມີ​ຄວາມ​ຢືນ​ຢົງຕະຫຼອດໄປ. 

     ພິ​ທີ​ປາ​ຖະ​ກະ​ຖາ​ສະ​ເຫຼີມ​ສະຫຼອງວັນໄປສະນີ,​ໂທ​ລະ​ຄົມ​ມະ​ນາ​ຄົມ​ແຫ່ງ​ຊາດ​ຄົບ​ຮອບ 53 ປີ ວັນ​ທີ13 ມີ​ນາ 1965-13 ມີ​ນາ 2018 ໄດ້​ດຳ​​ເນີນ​ມາ​​ເປັນ​ເວ​ລາ​ເຄີ່ງວັນ ກໍ່​ໄດ້​ປິດ​ລົງ​ຢ່າງ​ເປັນ​ທາງ​ການ​ທີ່​ເຕັມ​ໄປ​ດ້ວຍ​ເນື້ອ​ໃນ​ຄວາມ​ໝາຍ ຄວາມ​ສຳ​ຄັນ ແລະ​ ​ຜົນ​ສຳ​ເລັດ​ຢ່າງ​ຈົບ​ງາມ.

ຂຽນ​ໂດຍ:ທ່າ​ນ ຈັນ​ທະ​ກອນ ພິ​ລາ​ຈັນ