ວັນອັງຄານ, 04/9/2018 10:32:52 AM            :: ຊົມເຊີຍ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ , 2 ທັນວາ ປີ 1975 - 2 ທັນວາ ປິ 2017 ຢ່າງສຸດໃຈ ::

            ແຈ້ງການ                    

ແຈ້ງການເຊື່ອມຕໍ່ອິນເຕີເນັດ,ການໃຫ້ບໍລິການອິນເຕີເນັດ ແລະ ການໃຫ້ບໍລິການອິນເຕີເນັດກາເຟ.

ພິ​ທີເລື່ອນ​ສະ​ມາ​ຊິກ​​ພັກສຳ​ຮອງ​ຂື້ນ​ສົມ​ບູນ ແລະ ຮັບ​ມະ​ຫາ​ຊົນ​ກ້າວ​ໜ້າ​ເຂົ້າ​ເປັນ​ສະ​ມາ​ຊິກ​ພັກ​ສຳ​ຮອງ​ຂອງ​ໜ່ວຍ​ພັກ​ພະ​ແນກ ປ​ທ​ສ ແຂວງ ແລະ ໜ່ວຍ​ພັກ​ສາ​ຂາ​ລັດ​ວິ​ສາ​ຫະ​ກິດລາວ​ໂທ​ລະ​ຄົມ

Post on 30 ຕຸລາ 2018
by ທ່ານ ດ່ອນຄຳ ຄຸນນຸວົງ

    ໃນ​ວັນ​ທີ 22 ກັນ​ຍາ 2017 ຮາກ​ຖານ​ພັກພະ​ແນກ ໄປ​ສະ​ນີ,ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານໄດ້​ຈັດ​ເລື່ອນ​ສະ​ມາ​ຊິກ​​ພັກສຳ​ຮອງ​ຂື້ນ​ສົມ​ບູນ ແລະ ຮັບ​ມະ​ຫາ​ຊົນ​ກ້າວ​ໜ້າ​ເຂົ້າ​ເປັນ​ສະ​ມາ​ຊິກ​ພັກ​ສຳ​ຮອງ​ຂອງ​ໜ່ວຍ​ພັກ​ພະ​ແນກ ປ​ທ​ສ ແລະ ໜ່ວຍ​ພັກ​​ສາ​ຂາ​ລັດ​ວິ​ສາ​ຫະ​ກິດ​ລາວ​ໂທ​ລະ​ຄົມ ຂື້ນ​ທີ່​ຫ້ອງ​ປະ​ຊຸມ ບໍ​ລິ​ສັດ​ລັດ​ວິ​ສາ​ຫະ​ກິດ ລາວ​ໂທ​ລະ​ຄົມ ສາ​ຂາ​ແຂວງ​ຄຳ​ມ່ວນ.

   ໂດຍ​ການ​ເປັນ​ປະ​ທານ​ຂອງ​ສະຫາຍ ໄທຍະພອນ ສິງທອງ ເລ​ຂາ​ຄະ​ນະ​ພັກ​ຮາກ​ຖານ,ຫົວ​ໜ້າ​ພະ​ແນກ ປ​ທ​ສ,​ຄະ​ນະ​ພັກ​ຮາກ​ຖານ,ເລ​ຂາ​​​,ຮອງ​ເລ​ຂາ​ໜ່ວຍ​ພັກ,​ແລະ ສະ​ຫາຍແກ້ວ​ລາ ພີມ​ມະ​ສອນ ຫົວ​ໜ້າ​ຂະ​ແໜງ​ປອງ​ກັນພັກ​ຄະ​ນະຈັດ​ຕັ້ງ​ແຂວງ,ພ້ອມ​ດ້ວຍ​ແຂກ​ທີ​ຖືກ​ເຊີນ,​ສະ​ມາ​ຊິກ​ພັກ​ສົມ​ບູນ ແລະ ສຳ​ຮອງ​ເຂົ້າ ຈຳ​ນວນ 27 ສະ​ຫາຍ.ຍິງ 10 ສະ​ຫາຍ.

    ກອງ​ປ​ະ​ຊຸມ​ໄດ້ຜ່ານ​ມະ​ຕິ​ຕົກ​ລົງ​ອະ​ນຸ​ມັດ​ເລື່ອນ​ສະ​ມາ​ຊິກພັກ​ສຳ​ຮອງ​ຂື້ນ​ເປັນ​ສະ​ມາ​ຊິກ​ພັກສົມ​ບູນ,ຂອງ​ໜ່ວຍ​ພັກ​ພະ​ແນກ ປ​ທ​ສ ແຂວງ​ແລະ ໜ່ວຍ​ພັກ​ສາ​ຂາ​ລັດ​ວິ​ສາ​ຫະ​ກິດລາວ​ໂທ​ລະ​ຄົມ.ຈຳ​ນວນ 7 ສະ​ຫາຍ ຍິງ 2 ສະ​ຫາຍ ແລະ ຮັບ​ມະ​ຫາ​ຊົນ​ກ້າວ​ໜ້າ​ເຂົ້າ​ເປັນ​ສະ​ມາ​ຊິກ​ພັກ​ສຳ​ຮອງ​ຂອງ​ໜ່ວຍ​ພັກ​ພະ​ແນກ ປ​ທ​ສ ແຂວງ ແລະ ໜ່ວຍ​ພັກ​ບໍ​ລິ​ສັດ​ລາວ​ໂທ​ລະ​ຄົມ ຈຳ​ນວນ 4 ສະ​ຫາຍ ຍິງ 1 ສະ​ຫາຍ.

 

    ຫຼັງ​ຈາກ​ນັ້ນກອງ​ປ​ະ​ຊຸມ​​ຍັງ​ໄດ້​ຮັບ​ຟັງ​ການ​ໂອ້​ລົມຂອງ ສະ​ຫາຍ ໄທ​ຍະ​ພອນ​ ສິງ​ທອງ​ ເລ​ຂາ​ຄະ​ນະ​ພັກ​ຮາກ​ຖານ,ຫົວ​ໜ້າ​ພະ​ແນກ ປ​ທ​ສ ແຂວງ ​ທີ່​ໄດ້​ໃຫ້​ຄຳ​ໂອ​ວາດ​ຕັກ​ເຕືອນ ແລະ ໃຫ້​ທິດ​ຊີ້​ນຳ​ຕໍ່​ກັບ ສະ​ມາ​ຊິກ​ພັກ​ສຳ​ຮອງ​ເລື່ອນ​ຂື້ນ​ສົມ​ບູນ ແລະ ມະ​ຫາ​ຊົນ​ກ້າວ​ໜ້າ​ທີ​ເຂົ້າ​ເປັ​ນ​ສະ​ມາ​ຊິກ​ພັກ​ສຳ​ຮອງ ຜ່ານ​ການ​ຮັບ​ຟັງ​ຄຳ​ໂອ​ວາດ​ຂອງ​ທ່ານ​ສຸດ​ທີ​ມີ​ຄວາມ​ໝາຍ​ຄວາມ​ສຳ​ຄັນ,ເຕັມ​ໄປ​ດ້ວຍ​ເນື້ອ​ໃນ​ອັ​ນ​ເລີກ​ເຊີ່ງ​ທີ່​ເປັນ​ເຂັມ​ທິດ​ເຍື່ອງ​ທາງ​ໃຫ້​ສະ​ມາ​ຊິກ​ພັກ​ສົມ​ບູນ​ ແລະ ສຳ​ຮອງ ເພື່ອ​ຝືກ​ຝົນຫຼໍ່ຫຼອມ​ຕົນ​ເອງ​ໃຫ້​ກາຍ​ເປັ​ນ​ສະ​ມາ​ຊິກ​ພັກ​ຜູ້​ດີ​ເດັ່ນ.​

 

ພິທີ​ໄດ້​ໃຊ້​ເວລາ​ດຳ​ເນີນ​ມາ​ຮອດ​ເວ​ລາ 11​ໂມ​ງ 30 ນາ​ທີ ກໍ່​ໄດ້​ປິດ​ລົງ​ດ້ວຍ​ຜົນ​ສຳ​ເລັດ​ອັນ​ດີ​ງາມ

ຂຽນໂດຍ:ທ່ານ ຈັນທະກອນ ພິລາຈັນ