ວັນອັງຄານ, 04/9/2018 10:32:52 AM            :: ຊົມເຊີຍ ວັນສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 42 ປີ , 2 ທັນວາ ປີ 1975 - 2 ທັນວາ ປິ 2017 ຢ່າງສຸດໃຈ ::

            ແຈ້ງການ                    

ແຈ້ງການເຊື່ອມຕໍ່ອິນເຕີເນັດ,ການໃຫ້ບໍລິການອິນເຕີເນັດ ແລະ ການໃຫ້ບໍລິການອິນເຕີເນັດກາເຟ.

ພິ​ທີ​ຮັບ​ຮອງ​ໜ່ວຍ​ພະ​ແນກ​ໄປ​ສະ​ນີ, ໂທ​ລະ​ຄົມ​ມະ​ນາ​ຄົມ ແລະ ການ​ສື່​ສານ ເປັນ​ໜ່ວຍ​ສະ​ຫະ​ພັນ​ແມ່​ຍິງ 3 ດີ

Post on 30 ຕຸລາ 2018
by ທ່ານ ດ່ອນຄຳ ຄຸນນຸວົງ

           ໃນ​​ວັນ​ທີ 16 ສິງ​ຫາ 2017 ໜ​ວ່ຍ​ສະ​ຫະ​ພັນ​ແມ່​ຍິງພະ​ແນກ ​ປ​ທ​ສ ໄດ້​ເປີດ​ພິ​ທີ​ຮັບ​ຮອງ​ໜ່ວຍພະ​ແນກ​ ປ​ທ​ສ ເປັນ​ໜ່ວຍ​ສະ​ຫະ​ພັນ​ແມ່​ຍິງ 3 ດີ ໂດຍ​ການ​ເປັນ ປະ​ທານ​ຂອງ​ ທ່ານ ນາງ ເພັດ​ລຳ​ມອນ​ ແກ້ວ​ກັນ​ຍາ ຄະ​ນະ​ສະ​ຫະ​ພັ​ນ​ແມ່ຍິງພະ​ແນກ.ໂດຍ​ການປັນ​ກຽດ​ເຂົ້າ​ຮ່ວມ​ຂອ​ງ​ ທ່ານ ໄທ​ຍະ​ພອນ​ ສີງ​ທອງ ເລ​ຂາ​ຄະ​ນະ​ພັກ​ຮາກ​ຖານ,ຫົວ​ໜ້າ​ພະ​ແນກ ​ປ​ທ​ສ,ທ່ານ​ນາງ ບຸນ​ຊຽນ ມະ​ນີ​ວັນ ຮອງຄະ​ນະ​ບໍ​ລິ​ຫານ​ງານ​ສະ​ຫະ​ພັນ​ແມ່​ຍິງ​ແຂວງ ແລະ ທ່ານ ນາງ ສະ​ຫວັນ​ນາລີ ເພັດ​ລຳ​ພັນ ຄະ​ນະ​ບໍ​ລິ​ຫານ​ງານ​ສະ​ຫະ​ພັນ​ແມ່​ຍິງ​ແຂວງ​ທັງ​ເປັນ​ຜູ້​ຊີ້​ນຳ​ວຽກ​ງານ​ອົງ​ການ​ຈັດ​ຕັ້ງ​ແມ່​ຍິງ​ຂົງ​ເຂດ ປ​ທ​ສ ແຂວງ

          ພ້ອມ​ນັ້ນ​ກໍ່​ຍັງ​ມີ​​ບັນ​ດາ​ທ່ານແຂກ​ຖືກ​ເຊີນ ບັນ​ດາ​ທ່ານ​ໃນ​ໜ່ວຍ​ ສະ​ຫະ​ພັນ​ແມ່​ຍິງ​ຂົງ​ເຂດ​ບໍ​ລິ​ສັດ​ລັດ​ວິ​ສາ​ຫະ​ກິດ ETL ,ໄປ​ສະ​ນີ​ລາວ ຕະ​ຫຼອດ​ຮອດເອື້ອຍ​ນ້ອງ​ແມ່​ຍິງພາຍ​ໃນ​ພະ​ແນກ ປ​ທ​ສ ຕ່າງ​ໜ້າ​ອົງ​ການ​ຈັດ​ຕັ້ງ​ຊາວ​ໜຸມເຂົ້າ​ຮ່ວມ​ທັງ​ໝົດ 16 ສະ​ຫາຍ.ຊາຍ1ສະ​ຫາຍ.

     ກອງ​ປະ​ຊຸມ​ຍັງ​ໄດ້​ຮັບ​ຟັງ​ການ​ຜ່ານ​ຮ່າງ​ບົດ​ສະຫຼຸບ​ປະ​ເມີນ​ຜົນ​ການ​ຈັດ​ຕັ້ງ​ປະ​ຕິ​ບັດ ຂະ​ບວນ​ການ​ຂໍ​້​ແຂ່ງ​ຂັນ 3 ດີ. ປີ 2015-2016 ແລະ​ ທິດ​ທາງ​ແຜນ​ການ​ປີ 2017 ເຊີງ​ນຳ​ສະ​ເໜີ​ໂດຍ ທ່ານ ເພັດ​ລຳ​ມອນ ແກ້ວ​ກັນ​ຍາ ຫົວ​ໜ້າ​ສະ​ຫ​ະ​ພັນ​ແມ່​ຍິງ ປ​ທສ ແຂວງ.ຈາກ​ນັ້ນ​ກອງ​ປະ​ຊຸ​ມ​ຍັງ​ໄດ້​ມີ​ພິ​ທີ​ມອບ​ໃບ​ຢັ້ງ​ຢື້ນ​ເພືອ​ຮັບ​ຮອງ​ເອົາ​ໜ່ວຍ​ສະ​ຫະ​ພັນ​ແມ່​ຍິງ ເປັນ​ໜ່ວຍ 3 ດີ ແລະ ມອບ​ໃບຢັ້ງ​ຢື້ນ​ໃຫ້​ແກ່ ສະ​ມາ​ຊີກ​ແມ່​ຍິງ​ເປັນ​ບຸກ​ຄົນ 3 ດີ.

     ກອງ​ປະ​ຊຸມ​ຖື​ເປັນ​ກຽດ​ຢ່າງ​ສູງ ທີ່​ໄດ້​ຮັບ​ຟັງ​ການ​ໂອ້​ລົ​ມ ຂອງ ທ່ານ ໄທ​ຍະ​ພອນ​ ສີງ​ທອງ ເລ​ຂາ​ຄະ​ນະ​ພັກ​ຮາກ​ຖານ,ຫົວ​ໜ້າ​ພະ​ແນກ ​ປ​ທ​ສ​ ແລະ ທ່າ​ນນາງ ບຸນ​ຊຽນ ມະ​​ນີ​ວັນ ຄະ​ນະ​ສະ​ຫະ​ພັນ​ແມ່​ຍິງ​ລາວ, ການ​ໂອ້​ລົມ​ຂອງ​ທ່ານ​ສຸດ​ທີ່​ມີ​ຄວາມ​ໜາຍ​ສຳ​ຄັນ, ເຕັມ​ໄປ​ດ້ວຍ​ເນື້ອ​ໃນ​ອັນ ເລີກ​ເຊີ່ງ, ເຊີ່ງ​ທ່ານ​ໄດ້​ຍົກ​ໃຫ້​ເຫັນ​ວ່າ: ການ​ເປີດ​ຂໍ້​ແຂ່ງ​ຂັນ 3 ດ​ີ. ແມ່ນ​ເພື່ອ​ຍົກ​ສູງ​ຄຸນ​ນະ​ພາບ​ຂອງ​ສະ​ມາ​ຊິກ​ສະ​ຫະ​ພັນ​ແມ່​ຍິງ, ຍົກ​ສູງ​ການ​ຈັດ​ຕັ້ງ​ແມ່​ຍີງ, ເພື່ອ​ເຮັດ​ໃຫ້​ສຳ​ມະ​ຊິກ​ແມ່​ຍິງ​ລາວ​ເຮົາ​ເວົ້າ​ລວມ, ເວົ້າ​ສະ​ເພາະ​ກໍ່​ຄື ສະ​ມາ​ຊິກ​ແມ່​ຍິງ​ລາວ​ພາຍ​ໃນະ​ພະ​ແນກ ປ​ທ​ສ ແຂວງ ໃຫ້​ມີ​ນ້ຳ​ໃຈ​ຮັກ​ຊາດ, ຮັກ​ລະ​ບອບ​ໃໝ່,ເປັນເຈົ້າ​ຕົນ​ເອງ, ມີ​ຄວາມ​ບຸກ​ບືນ​ໃນ​ການ​ພັດ​ທະ​ນາ​ຕົນ​ເອງ, ພັດ​ທະ​ນາ​ຄອບ​ຄົວ ແລະ ການ​ຈັດ​ຕັ້ງ, ອີກ​ດ້ານ​ໜື່ງ ເພື່ອ​ນຳ​ເອົາ​ກຳ​ລັງ​ແຮງ​ຂອງ​ເອື້ອຍ​ນ້ອງ​ແມ່​ຍິງ​ລາວ​ເຮົາ ເຂົ້າ​ຮ່ວມ​ໃນ​ການ​ປະ​ຕິ​ບັດ​ສອງ​ໝ້າ​ທີ່ ຍຸດ​ທະ​ສາດ​ຂອງ​ພັກ​ຄື: ປົກ​ປັກ​ຮັກ​ສາ ແລະ ສ້າງ​ສາ​ພັດ​ທະ​ນາ​ປະ​ເທດ​ຊາດ.

        ໃນ​ຕອນ​ທ້າຍກອງ​ປະ​ຊຸມ​ຍັງ​ໄດ້​ຮຽກ​ຮ້ອງ​ມາ​ຍັງ ຄະ​ນະ​ສະ​ຫະ​ພັນ​ແມ່​ຍິງ, ສະ​ມາ​ຊິກ​ສະ​ຫະ​ພັນ​ແມ່​ຍິງ​ລາວ​ທຸກ​ສະ​ຫາຍ ຈົ່ງ​ເພີ້ມ​ທະ​ວີ​ຄວາມ​ເປັນ​ປືກ​ແຜ່ນ, ສ້າງ​ຄວາມ​ເປັນ​ເອ​ກະ​ພາບ​ສູງ ພາຍ​ໃຕ້​ການ​ນຳ​ພາ​ຂອງ​ພັກ ປະ​ຊາ​ຊົນ​ປະ​ຕິ​ວັດ​ລາວ ຍົກ​ສູງ​ນ້ຳ​ໃຈ​ຮັກ​ຊາດ, ຮັກ​ຄວາມ​ເປັນ​ເອກ​ລາດ ມີ​​ສະ​ຕີ​ເປັນ​ເຈົ້າ​ຕົນ​ເອງ, ກຸ້ມ​ຕົນ​ເອງ ແລະ ສ້າ​ງສາຄວາມ​ເຂັ້ມ​ແຂງ​ດ້ວຍ​ຕົນ​ເອງ ສຸມ​ທຸກ​ສະ​ຕິ​ປັນ​ຍາ​ກຳ​ລັງ​ແຮງ ເຂົ້າ​ໃນ​ການ​ຈັ​ດຕັ້ງ​ປະ​ຕິ​ບັດ ເນື້ອ​ໃນ​ຂໍ້​ແຂ່ງ 3 ດີ ໃຫ້​ປະ​ກົດ​ຜົນ​ເປັນ​ຈິງ​ໃນ​ແຕ່​ລະ​ດ້ານ.

                   ກອງ​ປະ​ຊຸມ​ໄດ້​ດຳ​ເນີນ​ມາ​ຮອດ​ເວ​ລາ 11ໂມງ30 ນາ​ທີ ກໍ່​ໄດ້​ປິດ​ລົງ​ດ້ວຍ​ຜົນ​ສຳ​ເລັດ​ອັນ​ຈົບ​ງາມ.

ຂຽນ​ໂດຍ:ທ່ານ ຈັນ​ທະ​ກອນ ພິ​ລາ​ຈັນ